Animal Movie Palace : మూవీ లవర్స్ను ఎంతగానో ఆకట్టుకుని బాక్సాఫీస్ వద్ద సెన్సేషన్ క్రియేట్ చేస్తోంది రణ్బీర్ కపూర్ 'యానిమల్' మూవీ. పాన్ఇండియా లెవెల్లో డిసెంబర్ 1 న థియేటర్లలో విడుదలైన ఈ చిత్రం మూడు రోజుల్లో రూ. 300 కోట్ల మార్క్ దాటి ట్రెండ్ అవుతోంది. స్టోరీ, స్టార్స్, సాంగ్స్, యాక్షన్స్ సీన్స్ ఇలా సినిమాలోని అన్ని ఎలిమెంట్స్ ప్రేక్షకులను తెగ ఆకట్టుకుంటోంది. అయితే తాజాగా ఈ చిత్రంలో హీరో ఫ్యామిలీ నివసించినట్లు చూపించిన భవనం అందరి దృష్టిని ఆకర్షించింది. పెద్ద పెద్ద గదులతో సుందరంగా ఉండే ఈ భవనం గురించి నెట్టింట చర్చలు మొదలయ్యాయి. సినిమా చూసిన ప్రతి ఒక్కరు ఈ ప్యాలెస్ గురించి నెట్టింట తెగ వెతికేస్తున్నారు. ఇది షూటింగ్ సెట్టా లేకుంటే నిజమైనదేనా అని ఆరా తీస్తున్నారు. అయితే ఈ బిల్డింగ్ ఎవరిదంటే ?
Pataudi Palace Owner : పటౌడీ వారసుడు సైఫ్ అలీ ఖాన్ ఈ భవనానికి అసలైన యజమాని. గత కొన్నేళ్లుగా ఆ వంశానికి చెందిన ఈ సువిశాల భవనం సుమారు పది ఎకరాల విస్తీర్ణంలో ఉంది. 150 గదులు, ఏడు పడక గదులతో ఉన్న ఆ ప్యాలెస్ పురాతమైన వస్తువులతో చెక్కు చెదరకుండా ఉంది. ఇక దీని విలువ సుమారు రూ. 800 కోట్ల మేర ఉంటుందని అంచనా. గతంలో నవాబ్ ఇఫ్తికార్ ఖాన్, ఆ తర్వాత మన్సూర్ అలీఖాన్ ఆధీనంలో ఉన్న ఈ ప్యాలెస్ ఇప్పుడు సైఫ్కు సొంతమైంది. ఇందులో తన ఫ్యామిలీతో సైఫ్ నివసిస్తున్నారు. దీనికి సంబంధించిన ఫొటోలను అప్పుడప్పుడు సైఫ్ భార్య కరీనా కపూర్ ఖాన్ తన సోషల్ మీడియా ఖాతాల్లో షేర్ చేస్తుంటారు. అంతే కాకుండా ఈ భవనం పలు బాలీవుడ్ సినిమాల్లోనూ కనిపించిందని నెటిజన్ల మాట.
Animal Movie Cast : ఇక ఈ సినిమా విషయానికి వస్తే.. తండ్రీ కొడుకుల సెంటిమెంట్తో రూపొందిన ఈ సినిమాలో రణ్బీర్ కపూర్తో పాటు రష్మిక మందన్న, త్రిప్తి దిమ్రి, బాబీ దేఓల్, అనిల్‌ కపూర్ కీలక పాత్రలు పోషించారు. సందీప్ రెడ్డి తన మార్క్ డైరెక్షన్తో ఈ సినిమాను తీర్చిదిద్ది ప్రేక్షకుల్లో మరింత హైప్ను పెంచారు. మూడుగంటల ఇరవై నిమిషాల నిడివి ఉన్నప్పటికీ ఈ చిత్రం ప్రస్తుతం మంచి టాక్ అందుకుంటోంది. అక్కడక్కడ నెగిటివ్ టాక్ అందుకున్నప్పటికీ.. అవేవి నిజం కావంటూ ఫ్యాన్స్ కొట్టిపారేస్తున్నారు.
- " class="align-text-top noRightClick twitterSection" data="">
'యానిమల్' మూవీలో బోల్డ్ బ్యూటీ - ఎవరీ తృప్తి ?
3 రోజుల్లో రూ. 300 కోట్లు - వీకెండ్లో భారీ స్థాయిలో పైసా వసూల్
