వాట్సప్‌లో ఓ మహిళతో అసభ్యంగా ప్రవర్తించిన కామాంధుడిని రాచకొండ సైబర్‌క్రైం పోలీసులు అరెస్ట్ చేశారు. సీఐడీ అధికారినంటూ వినోద్ కుమార్ అనే వ్యక్తి ...ఇబ్రహీంపట్నం మండలంలో ఓ గ్రామానికి చెందిన మహిళకు కొత్త నంబర్‌ నుంచి వాట్సాప్‌లో వీడియో కాల్స్‌ చేసేవాడు. అసభ్యకరమైన వీడియోలు, చిత్రాలను పంపుతూ మానసికంగా హింసించేవాడు. దుస్తుల్లేకుండా కనిపించాలని.. లేదంటే మార్ఫింగ్‌ చేసిన నగ్న చిత్రాలను సామాజిక మాధ్యమాల్లో అప్‌లోడ్‌ చేస్తానంటూ బెదిరించాడు.
దీంతో విసిగిపోయిన ఆ మహిళ అసలు నువ్వెవరు..? ఎందుకిలా చేస్తున్నావంటూ నిలదీసింది. తాను సీఐడీ(CID officer harassment) విభాగంలో ఉన్నతాధికారిని అని చెప్పాడు. కొంతసేపటికి పోలీసు యూనిఫారంలో వీడియో కాల్‌ చేయడంతో ఆమె భయపడింది. వెంటనే ఆ నెంబరును బ్లాక్‌ చేసింది. ఆ తర్వాత మరో నంబరు నుంచి మెసేజ్‌లు, వీడియో కాల్స్‌ రావడం మొదలైంది. సహనం కోల్పోయిన బాధితురాలు సైబర్‌క్రైం పోలీసులకు ఫిర్యాదు చేసింది. వెంటనే స్పందించిన పోలీసులు చాకచక్యంగా ఆ కామాంధుడిని అరెస్ట్ చేసి రిమాండ్‌కు తరలించారు.
పోర్న్ వీడియోలకు బానిసై...
నిందితుడు వినోద్ కుమార్ తన మొబైల్ ఫోన్‌లో పోర్న్ వీడియోలు చూడటం అలవాటు చేసుకుని... ఆ వ్యసనానికి బానిసయ్యాడని పోలీసులు తెలిపారు. సామాజిక మాధ్యమాల ద్వారా మహిళలతో స్నేహం చేసేవాడని... ఆ తరువాత వేధించడం ప్రారంభించేవాడని పేర్కొన్నారు. నిందితుడిపై కఠిన చర్యలు తీసుకుంటామని అన్నారు.
ఇదీ చదవండి: CID officer harassment: 'నేను సీఐడీ ఉన్నతాధికారిని.. నువ్వు నాకు కావాలంతే.!'
