boy lost interest in studies and wanted to commit suicide: చదువుపై ఆసక్తి లేదని తాను రైలు కిందపడి ఆత్మహత్యకు పాల్పడుతున్నానని 14 ఏళ్ల బాలుడు ఉత్తరం రాసి ఇంట్లో నుంచి వెళ్లిపోయాడు. విషయం తెలుసుకున్న తల్లిదండ్రులు పోలీసులకు ఫిర్యాదు చేయగా వెంటనే బ్లూ కోల్ట్స్ పోలీసులు, స్పెషల్ బ్రాంచ్ పోలీసులు రంగంలోకి దిగి బాలుడిని కాపాడి తల్లిదండ్రులకు అప్పగించారు. ఈ ఘటన ఏపీలోని కడప జిల్లాలో జరిగింది. కడప ప్రకాష్ నగర్కు చెందిన బాలుడు వైయస్సార్ జిల్లా వల్లూరు మండలంలో పాఠశాలలో 9వ తరగతి చదువుతున్నాడు. ఆ బాలుడు చదువు పట్ల నిర్లక్ష్యంగా ఉండేవాడు.
చదువుపై పెద్దగా ఆసక్తి చూపేవాడు కాదు. తల్లిదండ్రులు చదువుకోమని చెప్పేవారు. ఈ క్రమంలో తల్లిదండ్రులకు చెప్పలేక, ఇటు చదువుకోలేక ఆత్మహత్య చేసుకోవాలని నిర్ణయించుకున్నాడు. తనకు చదువుపై ఆసక్తి లేదని ఆత్మహత్య చేసుకోనేందుకు రైల్వే పట్టాల వద్దకు వెళుతున్నానని ఉత్తరం రాసి వెళ్లాడు. వెంటనే తల్లిదండ్రులు చిన్నచౌక్ పోలీసులకు ఫిర్యాదు చేయగా బ్లూ కోల్ట్స్ పోలీసులు రంగం లోకి దిగి రైల్వే ట్రాక్ ను పరిశీలించగా శిల్పారామం సమీపంలో రైల్వే ట్రాక్ వద్ద బాలుడు కనిపించడంతో అతని అదుపులోకి తీసుకొని కౌన్సిలింగ్ ఇచ్చి తల్లిదండ్రులకు అప్పగించారు.
ఇవీ చదవండి:
