గణేశ్ మహోత్సవ్-2021 పేరుతో బెల్జియం రాజధాని బ్రెసెల్స్లో భారతీయులు వినాయక చవితి వేడుకలు నిర్వహిస్తున్నారు. 3 రోజుల పాటు ఈ ఉత్సవాలు జరగనున్నట్లు నిర్వాహకులు తెలిపారు. స్థానికంగా ఉన్న భారతీయుల సంఘం సీజన్స్ అండ్ అకేషన్స్ తరఫున... సాగర్ సింగంశెట్టి ఈ వేడుకలను ఏర్పాటు చేశారు.
బ్రెసెల్స్లోని తెలుగువారు ఈ వేడుకలకు హాజరయ్యారు. స్థానికంగా ఉన్న పతంగి రాజశ్రీ మట్టి, నేచురల్ కలర్స్తో తయారు చేసిన 3 అడుగుల గణేశ్ విగ్రహం అందరినీ ఆకట్టుకుంది. గణపతి కోసం 15 కిలోల లడ్డూను కూడా సిద్ధం చేశారు. బ్రసెల్స్లో ఇలా చవితి వేడుకలు నిర్వహించడం ఇదే తొలిసారని నిర్వాహకులు వెల్లడించారు.
నిబంధనల నడుమ..
కొవిడ్ నిబంధనల నడుమ... అందరూ ఒకేసారి కాకుండా టైమ్ స్లాట్ బుకింగ్ విధానంలో వచ్చి వినాయకుడికి పూజలు నిర్వహిస్తున్నారు. పూజలే కాకుండా యువకులు, చిన్నారుల కోసం ఆటపాటలు కూడా నిర్వహిస్తున్నట్లు తెలిపారు.
ఇదీ చూడండి: LORD GANESHA: అష్టదిక్కులలో వ్యాపించిన శిష్టజన రక్షకుడు
