రంగారెడ్డి జిల్లా ఎల్బీనగర్ ఎమ్మెల్యే సుధీర్రెడ్డికి.. కాంగ్రెస్ రాష్ట్ర వ్యవహారాల బాధ్యుడు మాణిక్కం ఠాగూర్ లీగల్ నోటీసు ఇచ్చారు. తన పరువుకు భంగం కలిగించే విధంగా చేసిన ఆరోపణలపై బేషరతుగా క్షమాపణ చెప్పాలని డిమాండ్ చేశారు. వారం రోజుల లోపల క్షమాపణలు చెప్పకుంటే కోటి రూపాయల పరువు నష్టం దావా వేస్తానంటూ హెచ్చరించారు.
ఈనెల 3న.. పీసీసీ అధ్యక్షుడు రేవంత్రెడ్డిపై.. సుధీర్రెడ్డి పలు విమర్శలు చేశారు. అందులో భాగంగా మాణిక్కం ఠాగూర్కు రూ.25 కోట్ల లంచం ఇచ్చి రేవంత్రెడ్డి పీసీసీ చీఫ్ పదవి తెచ్చుకున్నారని సుధీర్రెడ్డి ఆరోపించారు.
ఈ వ్యాఖ్యలపై ఆగ్రహం వ్యక్తం చేసిన మాణిక్కం ఠాగూర్.. నిరాధారమైన ఆరోపణలు చేసి తన పరువుకు భంగం కలిగించారంటూ లీగల్ నోటీస్ పంపారు. తనపై సుధీర్రెడ్డి చేసిన ఆరోపణలు... పలు ఆంగ్ల, తెలుగు పత్రికలు, ఎలక్ట్రానిక్ మీడియాలో ప్రసారమయ్యాయని పేర్కొన్నారు. క్షమాపణ చెప్పకుంటే న్యాయపరంగా ముందుకెళ్తానని స్పష్టం చేశారు.
ఇదీచూడండి: HARISH RAO: ప్రభుత్వ ఉద్యోగాల ఖాళీలపై ఆర్థికశాఖ కసరత్తు
