Post Office Vs SBI Vs HDFC Interest Rates : పోస్టాఫీస్/ఎస్​బీఐ/హెచ్​డీఎఫ్​సీ.. రికరింగ్ డిపాజిట్​కు ఏది బెటర్..?

author img

By ETV Bharat Telugu Desk

Published : Oct 13, 2023, 2:18 PM IST

Post Office Vs SBI Vs HDFC Interest Rates

Post Office Vs SBI Vs HDFC Bank RD Interest Rates : మీరు ఏ స్కీమ్​లోనైనా పొదుపు ప్రారంభించాలనుకుంటున్నారా? అయితే.. ఓసారి రికరింగ్ డిపాజిట్స్​(RD)పై లుక్కేయండి. పోస్టాఫీస్/ఎస్​బీఐ/హెచ్​డీఎఫ్​సీ బ్యాంకుల్లో RD వడ్డీరేట్లు ఎలా ఉన్నాయో.. ఏది బెటరో చూడండి.

Recurring Deposit Interest Rates : ఈ రోజుల్లో ఎంత సంపాందించినా.. చేతిలో చిల్లిగవ్వ మిగలట్లేదు. రోజురోజుకీ ఖర్చులు పెరిగిపోవడంతోపాటు పలు రకాల కారణాలతో ఆర్థిక ఇబ్బందులు ఎదుర్కొంటున్నారు జనం. అందువల్ల.. ఎవరైనా సరే, ఉద్యోగ జీవితం ప్రారంభించిన వెంటనే పొదుపు చేసుకోవడం మొదలు పెట్టాలి. ఇందుకోసం ఎన్నో ఆప్షన్లు అందుబాటులో ఉన్నాయి. ప్రధానంగా నిర్దిష్ట కాలానికి నెలవారీగా కొంత మొత్తం మనీ కట్టుకుంటూ పోతే.. మంచి వడ్డీ రేటుతో అదిరిపోయే రిటర్న్స్ ఇచ్చే రికరింగ్ డిపాజిట్(RD) గురించి ఓ సారి చూడండి. రిస్క్​లేని పెట్టుబడుల విషయంలోనూ ఆర్​డీలు ఉత్తమ ఎంపికగా చెప్పుకోవచ్చు.

Post Office RD Interest Rates : ఎవరైనా ఈ పెట్టుబడి పథకం కింద నిర్దిష్ట కాలానికి ప్రతి నెలా/త్రైమాసికం/అర్ధ సంవత్సరం నిర్ణీత మొత్తాన్ని డిపాజిట్‌ చేయొచ్చు. ఇప్పుడే కొత్తగా పెట్టుబడి ప్రారంభించాలనుకునే వారికి, స్వల్ప కాలానికి చిన్న మొత్తంతో పెట్టుబడి పెట్టాలనుకునే వారికి కూడా రికరింగ్ డిపాజిట్​లు మంచి ఎంపిక. ఇందులోనూ డిసెంబర్ త్రైమాసికంలో పోస్టాఫీస్ ఐదేళ్ల రికరింగ్ డిపాజిట్ (Post Office 5 Year Recurring Deposit) వడ్డీ రేట్లను కేంద్రం పెంచిన విషయం తెలిసిందే. కొన్ని సేవింగ్స్ స్కీమ్​ల వడ్డీరేట్లను యథాతథంగా ఉంచిన కేంద్ర ప్రభుత్వం.. కేవలం పోస్టాఫీస్ ఆర్‌డీ(RD) వడ్డీ రేటును మాత్రమే పెంచడం విశేషం. అయితే.. ఇప్పుడు చాలా మందికి బ్యాంకులు, పోస్టాఫీస్ వీటిలో ఎందులో పెట్టుబడి పెడితే ఎక్కువ లాభం? అనే సందేహం వస్తుంది. పోస్టాఫీస్ రికరింగ్ డిపాజిట్​ని.. దిగ్గజ బ్యాంకులైన SBI, HDFC బ్యాంక్ ఆర్​డీలతో పోలిస్తే ఏది బెటర్ అనేది ఇప్పుడు ఈ స్టోరీలో తెలుసుకుందాం.

Post Office RD Vs SBI RD Vs HDFC Bank RD :

పోస్టాఫీస్ ఆర్​డీ(Post Office RD) : ప్రజలకు ఫిక్స్​డ్ డిపాజిట్ల(FD) మాదిరిగానే రికరింగ్ డిపాజిట్(RD) కూడా మంచి ఇన్వెస్ట్​మెంట్ పథకం. చిన్న పొదుపును ప్రతి నెలా డిపాజిట్‌గా చెల్లించి గడువు తర్వాత వడ్డీతో సహా పెద్ద మొత్తాన్ని అందుకోవచ్చు. ఇటీవల డిసెంబర్ త్రైమాసికానికి కేంద్రం.. ఐదేళ్ల పోస్టాఫీస్ ఆర్​డీపై 20 బేసిస్ పాయింట్లు మేర వడ్డీ పెంచడంతో.. ప్రస్తుతం 6.5శాతం నుంచి 6.7 శాతానికి వడ్డీరేటు పెరిగింది. ఇది అక్టోబర్-డిసెంబర్ మధ్య కాలానికి వర్తిస్తుంది. పోస్టాఫీస్ RD లను 5 సంవత్సరాల కాలానికి మాత్రమే అందిస్తుంది.

ఎస్​బీఐ రికరింగ్ డిపాజిట్(SBI RD) : అతిపెద్ద ప్రభుత్వ రంగ బ్యాంక్ ఎస్​బీఐ(SBI)లో ఏడాది నుంచి పదేళ్ల కాలపరిమితి వరకు RDలపై 5.75% నుంచి గరిష్ఠంగా 7% వరకు వడ్డీ రేటును అందిస్తుంది. ఇది ఫిబ్రవరి 15, 2023 నుంచి అమలులో ఉంది.

హెచ్‌డీఎఫ్‌సీ బ్యాంక్ రికరింగ్ డిపాజిట్(HDFC RD) : ప్రైవేట్ రంగానికి చెందిన అతిపెద్ద బ్యాంక్ హెచ్​డీఎఫ్​సీ(HDFC) బ్యాంక్​లో ఆరు నెలల నుంచి పదేళ్ల కాలవ్యవధి వరకు రికరింగ్ డిపాజిట్ చేయవచ్చు. ఇది ఆర్​డీలపై 4.50%నుంచి గరిష్ఠంగా 7% వరకు వడ్డీ రేటును అందిస్తుంది. ఈ వడ్డీ రేట్లు జనవరి 24, 2023 నుంచి అమల్లో ఉన్నాయి.

Post Office Vs SBI Vs HDFC Bank 5-year RD Rates Compared :

పోస్టాఫీస్ vs SBI vs HDFC బ్యాంక్ 5 సంవత్సరాల RD రేట్లు ఓ సారి పరిశీలిస్తే..

  • పోస్టాఫీస్‌లో ఐదేళ్ల టెన్యూర్ ఉన్న రికరింగ్ డిపాజిట్​పై 6.7% వడ్డీ వర్తిస్తుంది.
  • ఎస్​బీఐలో చూస్తే ఐదేళ్ల ఆర్​డీపై 6.50% వడ్డీ అమల్లో ఉంది.
  • అదే హెచ్​డీఎఫ్​సీ బ్యాంక్​లో ఐదేళ్ల ఆర్​డీపై గరిష్ఠంగా 7% ఉంది.
  • పైన పేర్కొన్న వాటిల్లో ఐదు సంవత్సరాల RDపై HDFC బ్యాంక్ ఎక్కువ వడ్డీ కస్టమర్లకు ఆఫర్​ చేస్తుందని తెలుస్తోంది.

రికరింగ్ డిపాజిట్ ఎలా ఓపెన్ చేయాలంటే.. పోస్టాఫీస్​లో కేవలం క్యాష్‌తోనే RD ఖాతా ఓపెన్ చేసేందుకు అవకాశం ఉంటుంది. అదే ఎస్‌బీఐ, హెచ్‌డీఎఫ్‌సీ బ్యాంకుల్లో అయితే RD అకౌంట్​ను చెక్ లేదా క్యాష్ దేనితోనైనా ఓపెన్ చేయొచ్చు.

పోస్ట్ ఆఫీస్/SBI/HDFC బ్యాంక్ RD ఆదాయపు పన్ను ప్రయోజనాలిలా.. 1961 ఆదాయపు పన్ను చట్టంలోని సెక్షన్ 80C ప్రకారం.. బ్యాంక్ RDలో పెట్టుబడులకు పన్ను మినహాయింపు లేదు. అయితే.. 5 సంవత్సరాల పోస్టాఫీస్ టర్మ్ డిపాజిట్​పై పన్ను మినహాయింపును పొందవచ్చు. పోస్టాఫీస్​ TDS పెట్టుబడిదారునికి ₹1.5 లక్షల వరకు పన్ను ఆదా చేస్తుంది.

Recurring Deposit SBI Vs Post Office : పోస్టాఫీస్ X SBI.. ప్రతినెల డబ్బులు దాచుకునేందుకు ఏది బెస్ట్?

Best Post Office Schemes With High Savings: పొదుపు కోసం ఏ పోస్టాఫీస్ పథకం మంచిది.. మీకు తెలుసా?

పోస్టాఫీసు x బ్యాంకు.. ఫిక్స్​డ్ డిపాజిట్​లకు ఏది బెటర్? వడ్డీ ఎందులో ఎక్కువ?

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.