Car Discounts In September 2023 : మారుతి సుజుకి.. ఈ దేశీయ బ్రాండ్కు మార్కెట్లో మంచి డిమాండ్ ఉంది. ఎవరైనా కొత్త కారు కొనాలనుకుంటే.. ముందుగా చూసేది మారుతి కార్లనే అనడంలో ఎలాంటి అతిశయోక్తి లేదు. మీరు కూడా మారుతి కారు కొనాలని ఆశపడుతున్నారా? అయితే మీకు గుడ్ న్యూస్. మారుతి సుజుకి కంపెనీ తమ బ్రాండెడ్ కార్లపై.. సెప్టెంబర్ మాసంలో భారీ డిస్కౌంట్స్, బంపర్ ఆఫర్స్ ప్రకటించింది. మరి ఏవేంటో చూద్దామా?
Maruti Alto 800 : మారుతి సుజుకి.. అల్టో 800 పెట్రోల్ వేరియండ్ కారుపై కస్టమర్లకు మంచి బెనిఫిట్స్ అందిస్తోంది. ముఖ్యంగా ఎక్స్ఛేంజ్ బోనస్ కింద రూ.15,000, కార్పొరేట్ డిస్కౌంట్ కింద రూ.4,100 అందిస్తోంది. ప్రస్తుతం మార్కెట్లో మారుతి ఆల్టో 800.. రూ.3.54 నుంచి రూ.5.13 లక్షలు ప్రైస్ రేంజ్లో లభిస్తోంది. ఇప్పుడు అందిస్తున్న డిస్కౌంట్లతో మరింత తక్కువ ధరకే ఈ బడ్జెట్ ఫ్రెండ్లీ కారు మీ సొంతమవుతుంది.
నోట్ : మారుతి ఆల్టో 800 సీఎన్జీ వేరియంట్లపై మాత్రం ఎలాంటి డిస్కౌంట్స్, ఆఫర్స్ అందించడం లేదు.
Maruti Alto K10 : మారుతి ఆల్టో కె10 కార్లపై బెస్ట్ ఆఫర్స్ నడుస్తున్నాయి. ఆల్టో కె10 పెట్రోల్ వేరియంట్పై రూ.35,000 వరకు, సీఎన్జీ వేరియంట్పై రూ.20,000 వరకు క్యాష్ డిస్కౌంట్ అందిస్తున్నారు. అలాగే మారుతి హ్యాచ్బాక్ వేరియంట్స్ అన్నింటిపై కూడా ఎక్స్ఛేంజ్ బోనస్ కింద రూ.15,000, కార్పొరేట్ డిస్కౌంట్ కింద రూ.4,100 ఇస్తున్నారు.
Maruti Celerio : స్టైలిష్ మారుతి సెలెరియో కారుపై భారీ డిస్కౌంట్స్ లభిస్తున్నాయి. ముఖ్యంగా సెలెరియో పెట్రోల్ వేరియంట్పై రూ.40,000; సెలెరియో సీఎన్జీ వేరియంట్పై రూ.35,000 క్యాష్ డిస్కౌంట్ లభిస్తుంది. దీనికి తోడు ఎక్స్ఛేంజ్ బోనస్ కింద రూ.20,000, కార్పొరేట్ డిస్కౌంట్ కింద రూ.5000 అదనంగా ఆదా అవుతుంది.
- Maruti S Presso : మారుతి ప్రెస్సో కారు- పెట్రోల్, సీఎన్జీ రెండు వేరియంట్లపైనా రూ.35,000 వరకు క్యాష్ డిస్కౌంట్ అందిస్తున్నారు. దీనికి తోడు అదనంగా ఎక్స్ఛేంజ్ బోనస్గా రూ.20,000, కార్పొరేట్ డిస్కౌంట్గా రూ.4,100 ఇస్తున్నారు.
Maruti Wagon-R : మారుతి వ్యాగన్-ఆర్ కారుపై అన్ని వేరియంట్లపై రూ.30,000 క్యాష్ డిస్కౌంట్ లభిస్తుంది. పైగా ఎక్స్ఛేంజ్ బోనస్గా రూ.15,000, కార్పొరేట్ డిస్కౌంట్గా రూ.4,000 సేవ్ అవుతుంది.
Maruti Swift : మారుతి కంపెనీ.. స్విఫ్ట్ కార్లపై బంఫర్ డిస్కౌంట్ అందిస్తోంది. స్విఫ్ట్ పెట్రోల్ వేరియంట్పై రూ.35,000 క్యాష్ డిస్కౌంట్ సహా, ఎక్స్ఛేంజ్ బోనస్గా రూ.15,000, కార్పొరేట్ డిస్కౌంట్గా రూ.5000 ఇస్తోంది. స్విఫ్ట్ సీఎన్జీ కారుపై క్యాష్ డిస్కౌంట్ రూ.25,000, కార్పొరేట్ డిస్కౌంట్ రూ.5000 అందిస్తోంది. ఈ ఆఫర్ మారుతి స్టోర్స్లోనూ లభిస్తుంది.
Maruti Dzire and Brezza : మారుతి.. డిజైర్, మారుతి బ్రెజ్జా కార్లపై మాత్రం ప్రస్తుతానికి ఎలాంటి డిస్కౌంట్స్, ఆఫర్స్ అందించడం లేదు.
Maruti Suzuki Nexa Models - Discounts and Offers
మారుతి సుజుకి తన నెక్సా మోడల్ కార్లపై కూడా భారీ డిస్కౌంట్స్ అందిస్తోంది. ముఖ్యంగా ఇగ్నిస్, బాలెనో, సియాజ్ కార్లపై మంచి ఆఫర్స్, డిస్కౌంట్స్ ప్రకటించింది. అవేంటో ఇప్పుడు చూద్దాం.
Maruti Suzuki Ignis : మారుతి సుజుకి తమ ఇగ్నిస్ కార్లపై రూ. 35,000 వరకు క్యాష్ డిస్కౌంట్, ఎక్స్ఛేంజ్ బోనస్ రూ.15,000, కార్పొరేట్ డిస్కౌంట్ రూ.4000 అందిస్తోంది. అంటే మొత్తంగా రూ.54,000 వరకు కస్టమర్కు ఆదా అవుతుంది. మరో ముఖ్యమైన విషయం ఏమిటంటే.. మారుతి ఆల్టో, ఆల్టో కె10, వ్యాగన్-ఆర్లను ఎక్స్ఛేంజ్ చేస్తే అదనంగా మరో రూ.10,000 డిస్కౌంట్ సహా, స్క్రాపింగ్ బోనస్ కింద రూ.5000 అదనంగా లభిస్తుంది. అంటే మారుతి ఇగ్నిస్ కారు కొనుగోలు చేసిన వారికి రూ.69,000 కలిసి వస్తుంది. అయితే మారుతి ఇగ్నిస్ సిగ్మా, డెల్టా స్పెషల్ ఎడిషన్ కార్లపై మాత్రం వరుసగా రూ. 39,000; రూ.49,500 వరకు డిస్కౌంట్ లభిస్తుంది.
- Maruti Suzuki Baleno : మారుతి సుజుకి బాలెనో కార్లపై కూడా మంచి డిస్కౌంట్స్ లభిస్తున్నాయి. ముఖ్యంగా మారుతి బాలెనో జెటా, ఆల్ఫా సీఎన్జీ కార్లపై రూ. 35,000 వరకు డిస్కౌంట్ అందిస్తున్నారు. మారుతి బాలెనో సిగ్మా, డెల్టా వేరియంట్లపై మాత్రం రూ.45,000 వరకు డిస్కౌంట్ లభిస్తుంది.
- Maruti Suzuki Caiz : మారుతి సుజుకి నెక్సా మోడల్ కార్లలోని ఏకైక సెడాన్.. Ciaz. ఈ కారుపై రూ.33,000 క్యాష్ డిస్కౌంట్, రూ.25,000 ఎక్స్ఛేంజ్ బోనస్, రూ.5000 స్క్రాపేజ్ బోనస్, రూ.3000 కార్పొరేట్ డిస్కౌంట్ అందిస్తున్నారు.
నోట్ : మారుతి నెక్సా శ్రేణిలోని.. గ్రాండ్ విటారా, XL6, Fronx, జిమ్నీ కార్లపై మాత్రం ఇప్పటి వరకు ఎలాంటి డిస్కౌంట్స్, ఆఫర్స్ ప్రకటించలేదు.
హోండా కార్లపై రూ.1,00,000 వరకు భారీ డిస్కౌంట్
Honda Car Discounts On September 2023 : ప్రముఖ ఆటోమొబైల్ దిగ్గజం హోండా కూడా సెప్టెంబర్ మాసంలో తమ బ్రాండెడ్ కార్లపై భారీ డిస్కౌంట్స్ ప్రకటించింది. ప్రస్తుతం హోండా కంపెనీ భారతదేశంలో అమేజ్, ఫిఫ్త్-జెన్ సిటీ, సిటీ హైబ్రిడ్, ఎలివేట్ అనే నాలుగు మోడల్ కార్లను విక్రయిస్తోంది. వీటన్నింటిపై అందిస్తున్న డిస్కౌంట్స్ గురించి ఇప్పుడు తెలుసుకుందాం.
Honda Amaze : హోండా కంపెనీ ఈ అమేజ్ కారుపై రూ.10,000 క్యాష్ డిస్కౌంట్, రూ.6,000 కార్పొరేట్ డిస్కౌంట్ అందిస్తోంది. అంటే మొత్తంగా కస్టమర్కు రూ.16,000 ఆదా అవుతుంది. అయితే ఈ హోండా అమేజ్పై ఎక్స్ఛేంజ్ బోనస్ మాత్రం అందించడం లేదు.
Honda Fifth gen City : హోండా సిటీ కారు కొన్నవారికి రూ.10,000 క్యాష్ డిస్కౌంట్, రూ.10,000 ఎక్స్ఛేంజ్ బోనస్, రూ.8,000 కార్పొరేట్ డిస్కౌంట్ లభిస్తుంది. పైగా ఏదైనా పాత హోండా కారును ఎక్స్ఛేంజ్ చేస్తే, అదనంగా మరో రూ.20,000 బోనస్ లభిస్తుంది.
Honda City Hybrid : హోండా కంపెనీ... సిటీ హైబ్రిడ్ కారుపై క్యాష్ డిస్కౌంట్, ఎక్స్ఛేంజ్ బోనస్ అన్నీ కలిపి రూ.1 లక్ష రూపాయల వరకు భారీ డిస్కౌంట్ అందిస్తోంది. ఇది కొత్త హోండా సిటీ హైబ్రిడ్ కారు కొనాలని ఆశపడుతున్నవారికి బెస్ట్ ఆఫర్ అని చెప్పవచ్చు.
Honda Elevate : హోండా కంపెనీ ఇటీవల విడుదల చేసిన మధ్యస్థాయి ఎస్యూవీ.. హోండా ఎలివేట్పై మాత్రం ఎలాంటి డిస్కౌంట్స్ అందించడం లేదు. ప్రస్తుతం ఆ హోండా ఎలివేట్ కారు ధర రూ.11 లక్షలు (ఎక్స్ షోరూం)గా ఉంది.
నోట్ : ఈ కథనంలో పేర్కొన్న డిస్కౌంట్స్, ఆఫర్స్ అనేవి.. ఆయా ప్రాంతాలు, డీలర్షిప్స్ అనుసరించి కొంచెం మారుతూ ఉంటాయని గమనించాలి. కానీ మీరు కోరుకున్న కారును తక్కువ ధరలోనే సొంతం చేసుకోవడానికి ఇది మంచి సమయం అని గుర్తుంచుకోండి.
