Glenmark nasal spray for covid: దేశీయ ఫార్మా దిగ్గజం గ్లెన్మార్క్ కరోనా వైరస్కు సంబంధించిన కొత్తగా నాజల్ స్ప్రేను తీసుకొచ్చింది. ఫ్యాబీస్ప్రే పేరుతో దీనిని విడుదల చేసింది. కెనడాకు చెందిన ప్రముఖ ఫార్మా కంపెనీ అయిన సానోటైజ్తో కలిసి ఈ నాజల్ స్ప్రేను రూపొందించింది. కొవిడ్తో బాధపడుతున్న పెద్ద వయసు వారి కోసం దీనిని తీసుకువచ్చినట్లు గ్లెన్మార్క్ తెలిపింది.
ఇప్పటికే గ్లెన్మార్క్ ఈ నైట్రిక్ ఆక్సైడ్ నాసల్ స్ప్రే (ఎన్ఓఎన్ఎస్) కోసం భారత ఔషధ నియంత్రణ మండలికి దరఖాస్తు చేసుకోగా.. తయారీ, మార్కెటింగ్కు ఆమోదం తెలిపింది డీసీజీఐ. ఈ ఔషధం.. ఎగువ శ్వాస నాళాల్లోని వైరస్ను చంపేస్తుందని తెలిపింది. లేకుంటే ఈ వైరస్ తొలుత అక్కడ పాగా వేసి, ఆ తర్వాత ఊపిరితిత్తుల్లోకి విస్తరిస్తుంది. ఈ పరిస్థితిని ఎన్ఓఎన్ఎస్ నివారిస్తుంది.
గతేడాది జులైలో నైట్రిక్ ఆక్సైడ్ నాసల్ స్ప్రే తయారీ, మార్కెటింగ్ అనుమతుల కోసం డీసీజీఐకి దరఖాస్తు చేసుకుంది గ్లెన్మార్క్. కేవలం భారత్లోనే కాకుండా సింగపూర్, మలేషియా, హాంకాంగ్‌ దేశాలతో పాటు ఇతర ఆసియా మార్కెట్‌లలో అనుమతులకు భాగస్వామ్య కంపెనీతో దరఖాస్తు చేసుకుంది.
కొవిడ్కు ఔషధాన్ని తీసుకురావడం కారణంగా గ్లెన్మార్క్ షేర్లు 2 శాతం మేర పెరిగాయి.
ఇదీ చూడండి: రిలయన్స్తో ఒప్పందంపై ఫ్యూచర్ గ్రూప్కు సుప్రీం నోటీసులు
