UPS battery bursts: తమిళనాడులోని కోయంబత్తూర్లో దారుణం జరిగింది. యూపీఎస్ బ్యాటరీ పేలి ఓ మహిళ సహా ఇద్దరు చిన్నారులు చనిపోయారు. వీరితో పాటు ఇంట్లో ఉన్న పెంపుడు కుక్క కూడా మరణించినట్లు అధికారులు తెలిపారు.
చనిపోయిన వారిని విజయలక్ష్మీ (50), అర్చన (24), అంజలీ(21)గా పోలీసులు గుర్తించారు. యూపీఎస్ పేలడం వల్ల ఇంటి చూట్టూ పొగలు కమ్ముకున్నట్లు స్థానికులు తెలిపారు. ఇది చూసి అత్యవసర సేవల విభాగాలకు సమాచారం అందించినట్లుగా పేర్కొన్నారు.
ఈ క్రమంలో ఘటనా స్థలికి చేరిన సిబ్బంది మంటలు ఆర్పారు. అప్పటికే వారు చనిపోయినట్లు గుర్తించారు. యూపీఎస్ బ్యాటరీ.. హాల్లో ఉన్నట్లు పోలీసులు గుర్తించారు.
ఇదీ చూడండి: 12-14 ఏళ్ల పిల్లలకు కరోనా టీకా.. ఈ 10 విషయాలు తెలుసుకోవాల్సిందే...
