Secret room in Dance bar: మహిళలతో డ్యాన్సులు చేయిస్తున్న బార్ గుట్టు రట్టు చేశారు ముంబయి పోలీసులు. అంధేరీలోని దీప బార్లో సోషల్ సర్వీస్ విభాగ పోలీసులు తనిఖీలు నిర్వహించారు. బార్ బేస్మెంట్ గోడలో 17 మంది యువతులను గుర్తించారు.
నిబంధనలకు వ్యతిరేకంగా బార్లో నృత్య కార్యక్రమాలు జరుగుతున్నాయని వచ్చిన సమాచారంతో పోలీసులు రంగంలోకి దిగి... రాత్రి 11.30 తర్వాత తనిఖీలు చేశారు. అయితే, పోలీసుల రాకను గమనించిన డాన్సర్లు, బార్ సిబ్బంది.. అక్కడి నుంచి పరారయ్యారు.
అయితే, బార్ లోపలికి వచ్చిన పోలీసులు.. ప్రతి మూలను క్షుణ్ణంగా పరిశీలించారు. స్టోరేజీ గదులు, వంటశాలలు సహా గదులన్నింటినీ తనిఖీ చేశారు. కానీ ఏమీ లభించలేదు. చివరకు బార్ మేనేజర్, క్యాషియర్, వెయిటర్లను గంటల పాటు విచారించారు.
Mumbai Dance bar raid
ఈ క్రమంలో ఓ అద్దం వారికి అనుమానాస్పదంగా కనిపించింది. దాన్ని పగులగొట్టిన పోలీసులకు వెనక ఉన్న రహస్య గది తారసపడింది. మొత్తం 17 మంది డ్యాన్సర్లు అందులో దాక్కున్నారు. ఈ రహస్య గదిలో ఏసీలు, శీతల పానీయాలు, ఆహార ప్యాకెట్లు కూడా అందుబాటులో ఉన్నాయి. బార్ మేనేజర్, క్యాషియర్తో పాటు 17 మంది డ్యాన్సర్లపై కేసు నమోదు చేశారు.
ఇదీ చదవండి: 'రక్తదానం చేసిన వారికి 2కిలోల చికెన్, అరకిలో పనీర్'
