Rape Attempt On Lady Magistrate : ఉత్తర్ప్రదేశ్లోని బస్తీ జిల్లాలో దారుణం వెలుగు చూసింది. ఓ మహిళా మేజిస్ట్రేట్పై అత్యాచారయత్నానికి పాల్పడ్డాడు నాయబ్ తహసీల్దార్. ఈ విషయాన్ని ఓ బీజేపీ నాయకుడు తన ట్విట్టర్ ఖాతాలో వివరిస్తూ పోస్ట్ పెట్టారు. ఈ పోస్ట్కు ఆయన యూపీ ప్రభుత్వం, ఆ రాష్ట్ర డీజీపీని కూడా ట్యాగ్ చేయడం వల్ల విషయం బయటకు వచ్చింది.
ఇదీ జరిగింది..
జిల్లాలో నాయబ్ తహసీల్దార్గా పని చేస్తున్న ఓ వ్యక్తి దీపావళి రోజు అర్ధరాత్రి ఒంటి గంట సమయంలో ఓ మహిళా మేజిస్ట్రేట్ ఇంటికి వెళ్లాడు. అక్కడకు చేరుకొని ఆమె ఇంటి తలుపులు తట్టాడు. సదరు మహిళ ఎంతకీ తలుపులు తీయకపోవడం వల్ల వాటిని బద్దలుకొట్టి బలవంతంగా లోపలికి ప్రవేశించాడు. అనంతరం గదిలో ఉన్న ఆ మేజిస్ట్రేట్పై అత్యాచారం చేసేందుకు ప్రయత్నించాడు. ఈ క్రమంలో ఆమె ప్రతిఘటించడం వల్ల ఆమెను చంపేందుకు కూడా వెనకాడలేదు. గొంతు నులిమి ఆమెను చంపేందుకు సిద్ధమయ్యాడు. అనుకున్నట్లుగానే మహిళ గొంతును తన రెండు చేతులతో నులిమాడు. చివరకు ఆమె చనిపోయిందని భావించి అక్కడ నుంచి పారిపోయేందుకు చూశాడు.
ఈ క్రమంలో చనిపోయిందనుకున్న మహిళ ఒక్కసారిగా లేచి మంచంపై ఉన్న బెడ్ షీట్ను కప్పుకొని దాక్కుందామని చూసింది. ఇంతలో ఆ శబ్దం విన్న నిందితుడు మళ్లీ ఆమెను చంపేందుకు తిరిగి వచ్చాడు. ఈ సమయంలో బాధిత మహిళ తీవ్రంగా ప్రతిఘటించి అతడి చెర నుంచి తప్పించుకుంది. అంతేకాకుండా తనపైకి వస్తున్న తహసీల్దార్ను గదిలోకి నెట్టి బయట నుంచి గడియ పెట్టింది. అనంతరం పోలీస్ స్టేషన్కు వెళ్లి నిందితుడిపై ఫిర్యాదు చేసింది.
బీజేపీ నేత ట్వీట్తో వైద్య పరీక్షలు, కేసు నమోదు!
సదరు నాయబ్ తహసీల్దార్‌పై మహిళ చేస్తున్న ఆరోపణలను పోలీసులు ముందుగా పట్టించుకోలేదు. అయితే ఈ విషయం ఏదో విధంగా బీజేపీ ఎమ్మెల్సీ దేవేంద్ర ప్రతాప్ సింగ్ అనే నేత దృష్టికి వెళ్లింది. దీంతో ఆయన జరిగిన విషయాన్ని మొత్తం వివరిస్తూ తన అధికారిక ట్విట్టర్ ఖాతాలో ఓ పోస్ట్ పెట్టారు. అంతేకాకుండా ఆ పోస్ట్కు రాష్ట్ర ప్రభుత్వంతో పాటు డీజీపీని ట్యాగ్ చేయడం వల్ల ఘటన వెలుగులోకి వచ్చింది. దీంతో అప్రమత్తమైన సంబంధిత పోలీసులు బాధిత మహిళా మేజిస్ట్రేట్ను గురువారం రాత్రి జిల్లా ప్రభుత్వాస్పత్రికి తీసుకెళ్లి వైద్య పరీక్షలు చేయించారు. అనంతరం మహిళా అధికారి ఫిర్యాదు మేరకు నాయబ్ తహసీల్దార్‌పై శుక్రవారం కేసు నమోదు చేశారు. దర్యాప్తు కొనసాగుతోంది.
బ్యాంకు ఖాతాలోకి రోజూ రూ,కోటి- ఆరు రోజులు నాన్స్టాప్గా డబ్బు జమ- ఏమైంది?
18వారాలకు కవల పిండం మృతి- 125 రోజులకే మరో శిశువుకు జన్మ- వైద్య రంగంలోనే అద్భుతం
