తాను చనిపోయినా సరే వేరొకరి జీవితాల్లో వెలుగులు నింపింది ఓ ఐదేళ్ల చిన్నారి. ఉత్తర్ప్రదేశ్లో చనిపోయిన ఓ చిన్నారి నేత్రాలను ఆమె తల్లిదండ్రులు దానం చేశారు. దీంతో ఆ చిన్నారి ఆగ్రాలో ఈ ఏడాది నేత్రదానం చేసిన అత్యంత పిన్న వయస్కురాలిగా నిలిచింది.
ఆగ్రాలో గురువారం ఉదయం 8:30 గంటలకు వివేక్ అగర్వాల్ కుమార్తె కేతి అగర్వాల్ అకస్మాత్తుగా మరణించింది. బాలిక తల్లిదండ్రులు.. పాప నేత్రాలు దానం చేయలని నిర్ణయించుకున్నారు. వెంటనే దగ్గర్లోని ఎస్ఎన్ మెడికల్ కాలేజీలో 'ఐ' బ్యాంక్ ఇన్ఛార్జ్ డాక్టర్ షెఫాలీ మజుందార్‌ను సంప్రదించారు. వైద్య కళాశాల నుంచి ఒక బృందం వచ్చి చిన్నారి రెండు కళ్లల్లోని కార్నియాలను తీసి భద్రపరిచారు. ప్రస్తుతం మృతురాలి తండ్రి వివేక్ అగర్వాల్.. ఇనిస్టిట్యూట్ ఆఫ్ చార్టర్డ్ అకౌంటెంట్స్ ఆఫ్ ఇండియా (ఐసీఏఐ) ఆగ్రా బ్రాంచ్ వైస్ ప్రెసిడెంట్గా విధులు నిర్విర్తిస్తున్నారు. చనిపోయిన 6 గంటల వ్యవధిలో నేత్రదానం చేయవచ్చని డాక్టర్ మంజుదార్ తెలిపారు.
