గూడ్స్ రైలు ఢీకొని ఓ సింహం చనిపోయింది. ఈ ఘటన గుజరాత్లోని అమ్రేలీ జిల్లాలోని గిర్ అటవీ ప్రాంతంలో ఉన్న ఖడ్కాల గ్రామ సమీపంలో జరిగినట్లు అధికారులు తెలిపారు. శనివారం రాత్రి 9.30 ప్రాంతంలో ఈ ఘోరం జరిగి ఉండొచ్చని అటవీ అధికారి దుష్యంత్ వాసవాడ చెప్పారు.
చనిపోయిన సింహాన్ని మగదిగా గుర్తించిన అధికారులు.. సుమారు 5 నుంచి 6 ఏళ్లు ఉండొచ్చని పేర్కొన్నారు. పట్టాల పై ఉన్న మృతదేహాన్ని పరిశీలించిన అటవీ సిబ్బంది... అనంతరం శవపరీక్షకు తరలించారు.
2019-2020 మధ్య కాలంలో గుజరాత్లో 313 సింహాలు చనిపోయాయి. 23 సింహాలు అసాధారణ కారణాలతో మరణించినట్లు ఆ రాష్ట్ర అటవీశాఖ మంత్రి గణపత్ వాసవ మార్చిలో నిర్వహించిన అసెంబ్లీ సమావేశాల్లో చెప్పారు.
ఎక్కువ సింహాలు బావిలో పడి, వాహనాలు ఢీకొని, విద్యుదాఘాతంతో చనిపోయినట్లు పేర్కొన్నారు. మరణాలను తగ్గించేందుకు ప్రభుత్వం తగు చర్యలు తీసుకుంటున్నట్లు వెల్లడించారు.
ఇదీ చూడండి: Drug smuggling: పొట్టలో రూ.11కోట్లు విలువైన కొకైన్
