Law student killed: హరియాణా ఫరీదాబాద్లోని సాగర్పుర్లో శనివారం రాత్రి దారుణ ఘటన జరిగింది. 24 ఏళ్ల లా విద్యార్థిని దుండగులు ఐరన్ రాడ్లతో కొట్టి.. కత్తులతో పొడిచి చంపారు. మృతుడు రాహుల్ శరీరంపై 14 కత్తిపోట్లు ఉన్నట్లు పోలీసులు తెలిపారు.
రెండేళ్ల కిందటి శత్రుత్వమే ఈ హత్యకు కారణమని.. బాధితుడి తండ్రి ధర్మరాజ్ చెప్పారు. రాహుల్, అతడి స్నేహితుడు రింకు ఇంటికి తిరిగివస్తుండగా.. దుండగులు దాడి చేసినట్లు ఆయన పేర్కొన్నారు. ఐరన్ రాడ్లతో, పదునైన కత్తులతో విరుచుకుపడినట్లు పోలీసులకు వివరించారు.
''రాహుల్ను ఆస్పత్రికి తరలించగా.. అప్పటికే ప్రాణాలు కోల్పోయినట్లు వైద్యులు వెల్లడించారు. తీవ్రగాయాలతో బయటపడ్డ రింకు మాత్రం.. రైలు ముందు దూకి ఆత్మహత్య చేసుకున్నాడు.''
- ధర్మరాజ్, రాహుల్ తండ్రి
ధర్మరాజ్ ఫిర్యాదు మేరకు.. నిందితులు హరి ఓం, సాగర్, అమన్, ఆశిష్ సహా పలువురిపై వివిధ సెక్షన్ల కింద కేసు నమోదు చేశారు పోలీసులు. ప్రస్తుతం వారు పరారీలో ఉన్నారని.. త్వరలోనే పట్టుకుంటామని తెలిపారు.
షేర్మార్కెట్లో నష్టం- తల్లిని చంపి తానూ..
Debt-ridden man commits suicide: మహారాష్ట్ర పుణెలో ఓ వ్యక్తి దారుణానికి పాల్పడ్డాడు. అప్పుల బాధ కారణంగా.. అనారోగ్యంతో ఉన్న తన తల్లిని చంపి.. ఆత్మహత్య చేసుకున్నాడు 42 ఏళ్ల వ్యక్తి గణేశ్.
'షేర్మార్కెట్లో భారీ నష్టం చవిచూశానని.. అందుకే ఈ పనిచేస్తున్నా' అని గణేశ్ తన బంధువుకు వాట్సాప్లో సూసైడ్ నోట్ పంపినట్లు పోలీసులు తెలిపారు. ధనక్వాడీ ప్రాంతంలో శుక్రవారం రాత్రి ఈ ఘటన జరిగింది.
తన తల్లికి అధిక మోతాదులో మెడిసిన్ ఇచ్చినా చనిపోలేదు. అనంతరం.. ప్లాస్టిక్ బ్యాగ్ మొహానికి చుట్టి హత్య చేసినట్లు తెలుస్తోంది. అనంతరం ఆ వ్యక్తి కూడా ఉరి వేసుకొని చనిపోయాడు.
సోదరుడి మరణాన్ని తట్టుకోలేక..
Distressed man hangs self: తన అన్న మరణించాడన్న బాధను దిగమింగుకోలేక ఓ వ్యక్తి ఆత్మహత్య చేసుకున్న ఘటన మధ్యప్రదేశ్ శహ్డోల్లో జరిగింది. చెట్టుకు ఉరివేసుకొని ఉన్న బాధితుడి మృతదేహాన్ని శనివారం రాత్రి గుర్తించారు పోలీసులు.
మృతుడు శివేంద్ర మిశ్రా(22) సోదరుడు ఉపేంద్ర మిశ్రా(27) డిసెంబర్ 31న నదిలో మునిగి ప్రాణాలు కోల్పోయాడు. అతడి మరణాన్ని జీర్ణించుకోలేక ఆ బాధలో తాను కూడా ఆత్మహత్య చేసుకున్నట్లు పోలీసులు వెల్లడించారు. కేసు నమోదు చేసుకొని దర్యాప్తు చేస్తున్నట్లు వెల్లడించారు.
ఇవీ చూడండి: పది రూపాయల కోడిపిల్లకు రూ.50 టికెట్- ఆర్టీసీ కండక్టర్ ఘనకార్యం!
