ఇండియన్ బ్యాంక్ స్పెషలిస్ట్ ఆఫీసర్ (SO) రిక్రూట్‌మెంట్ 2023 షార్ట్ నోటిఫికేషన్‌ను ఫిబ్రవరి4న విడుదల చేసింది. స్కేల్ I, II, III & IVలో 203 ఖాళీలను భర్తీ చేయడానికి నోటిఫికేషన్ విడుదలైంది. ఆన్‌లైన్ అప్లికేషన్ లింక్ త్వరలో అభ్యర్థులకు అందుబాటులో ఉంటుంది. నోటిఫికేషన్లో ఏఏ పోస్టులు ఉన్నాయి? దరఖాస్తు రుసుము ఎంత? సహా వేతనానికి సంబంధించిన వివరాలు ఇలా ఉన్నాయి.
నోటిఫికేషన్ వివరాలు..
| పోస్ట్ పేరు | స్పెషలిస్ట్ ఆఫీసర్ (SO) |
| నోటిపికేషన్ తేదీ | 2023, ఫిబ్రవరి4 |
| ఖాళీల సంఖ్య | 203 |
| స్థలం | భారతదేశం అంతటా |
| దరఖాస్తు ప్రారంభతేదీ | త్వరలో ప్రకటిస్తారు. |
| దరఖాస్తు చివరి తేదీ | త్వరలో ప్రకటిస్తారు. |
ఖాళీ వివరాలు:
ఇండియన్ బ్యాంక్లో 203 స్పెషలిస్ట్ ఆఫీసర్ పోస్టులు ఖాళీగా ఉన్నాయి. వీటిని భర్తీ చేసేందుకు తాజా నోటిఫికేషన్ విడుదల చేసింది ఆ బ్యాంకు. దిగువ పట్టికలో పోస్ట్ పేరు, స్కేల్ & ఖాళీల సంఖ్య ఉన్నాయి.
| స్పెషలైజేషన్ | స్కేల్ 1 | స్కేల్ 2 | స్కేల్ 3 | స్కేల్ 4 | మొత్తం |
| ఫైనాన్షియల్ అనలిస్ట్ (క్రెడిట్ ఆఫీసర్) | - | 5 | 30 | 25 | 60 |
| రిస్క్ ఆఫీసర్ | - | 5 | 5 | 5 | 15 |
| IT/కంప్యూటర్ ఆఫీసర్ | - | 5 | 8 | 10 | 23 |
| సమాచార భద్రత | - | - | 5 | 2 | 7 |
| మార్కెటింగ్ ఆఫీసర్ | - | 10 | - | 3 | 13 |
| ట్రెజరీ ఆఫీసర్ | - | 10 | 5 | 5 | 20 |
| ఫారెక్స్ ఆఫీసర్ | - | 4 | 6 | - | 10 |
| పరిశ్రమల అభివృద్ధి అధికారి | 50 | – | – | – | 50 |
| HR అధికారులు | - | 3 | 2 | - | 5 |
| మొత్తం | 50 | 42 | 61 | 50 | 203 |
పే స్కేల్:
ఇండియన్ బ్యాంక్ SO (స్పెషలిస్ట్ ఆఫీసర్) పోస్టుకు ఎంపికైన అభ్యర్థులు ప్రభుత్వం షెడ్యూల్ చేసిన విధంగా జీతం లభిస్తుంది. డియర్‌నెస్ అలవెన్స్, హెచ్‌ఆర్‌ఏ, ఇతర అలవెన్సులు అందుతాయి. నెలకు అందే వేతనం వివరాలు ఇలా..
- స్కేల్ I: రూ.36,000
- స్కేల్ II: రూ.48,170
- స్కేల్ III: రూ.63,840
- స్కేల్ IV: రూ.76,010
వయోపరిమితి (01/01/2023 నాటికి):
పోస్ట్ కోసం దరఖాస్తు చేసుకునే అభ్యర్థులు తగిన అర్హత, వయోపరిమితిని తప్పనిసరిగా కలిగి ఉండాలి. త్వరలో అర్హత, వయోపరిమితి వివరాలు వెబ్సైట్లో పొందుపరుస్తారు. రిజర్వేషన్ వర్గాలకు వయో సడలింపు ఉంటుంది.
వయసు సడలింపు:
| SC/ST | 5 సంవత్సరాలు |
| ఇతర వెనుకబడిన తరగతులు (OBC నాన్-క్రీమీ లేయర్) | 3 సంవత్సరాలు |
| వికలాంగులు | 10 సంవత్సరాలు |
| మాజీ సైనికులు (ఆర్మీ సిబ్బంది) | 5 సంవత్సరాలు |
| వితంతువులు/విడాకులు తీసుకున్న మహిళలు | 9 సంవత్సరాలు |
| 1-1-1980 నుంచి 31-12-1989 మధ్య జమ్ము కశ్మీర్లో నివాసం ఉన్న వ్యక్తులు | 5 సంవత్సరాలు |
| 1984 అల్లర్ల వల్ల ప్రభావితమైన వ్యక్తులు | 5 సంవత్సరాలు |
| భోపాల్లో యూనియన్ కార్బైడ్ ఫ్యాక్టరీ నుంచి తొలిగిన వ్యక్తులు (మధ్యప్రదేశ్కు మాత్రమే) | 5 సంవత్సరాలు |
అర్హతలు:
విద్యార్హతలు, కావాల్సిన అనుభవం గురించిన వివరాలను త్వరలోనే వెల్లడించనున్నట్లు బ్యాంకు తెలిపింది.
ఎంపిక ప్రక్రియ:
- రాత పరీక్ష
- ఇంటర్వ్యూ
దరఖాస్తు రుసుము:
అభ్యర్థులు ఆన్‌లైన్‌లో ఫీజు చెల్లించాలి. ఒకసారి చెల్లించిన రుసుము/ఇంటిమేషన్ ఛార్జీలు తిరిగి ఇవ్వరు.
- ఎస్సీ/ఎస్టీ/పీడబ్ల్యూబీడీ: రూ.175+ GST (ఇంటిమేషన్ ఛార్జీలు మాత్రమే)
- రిజర్వేషన్ లేనివారు/ఓబీసీ/ఇతరులు: రూ.850+ GST
వెబ్‌సైట్
అభ్యర్థులు ఇండియన్ బ్యాంక్ వెబ్‌సైట్ www.indianbank.in ద్వారా ఆన్‌లైన్‌లో దరఖాస్తు చేసుకోవచ్చు.
