IBPS RRB recruitment 2022: ఇన్‌స్టిట్యూట్ ఆఫ్ బ్యాంకింగ్ పర్సనల్( ఐబీపీఎస్) ఉద్యోగాల భర్తీకి నోటిఫికేషన్ విడుదలైంది. పలు ప్రభుత్వరంగ గ్రామీణ బ్యాంకుల్లో సీనియర్ మేనేజర్, మేనేజర్, అసిస్టెంట్ మేనేజర్, ఆఫీస్ అసిస్టెంట్ పోస్టులను తాజా నోటిఫికేషన్ ద్వారా భర్తీ చేయనున్నారు. ప్రతి ఏటా క్యాలెండర్ ఇయర్ ప్రకారం ఐబీపీఎస్ నోటిఫికేషన్ వస్తుంది. అందులో భాగంగా ఈ ఏడాది కూడా విడుదలైంది. ఈ ఏడాదికి కాను.. దేశవ్యాప్తంగా 43 గ్రామీణ బ్యాంకుల్లో ఐబీపీఎస్ ద్వారా 8వేల ఖాళీలను నింపనున్నారు.
- దరఖాస్తు ప్రక్రియ ప్రారంభం: జూన్ 7వ తేదీ
- దరఖాస్తుకు చివరి తేదీ: జూన్ 27వ తేదీ
- ప్రీ ఎగ్జామ్ ట్రైనింగ్: జులై 18 నుంచి 23వరకు
- ప్రిలిమ్స్: ఆగస్టు, 2022
- ప్రిలిమ్స్ ఫలితాలు: సెప్టెంబర్, 2022
- ప్రధాన పరీక్ష: సెప్టెంబర్/ నవంబర్, 2022
తెలంగాణ, ఏపీ గ్రామీణ్ వికాస్ బ్యాంకులతో పాటు.. ఇతర రాష్ట్రాల్లో రూరల్ బ్యాంకుల్లో గ్రూప్ ఏ, గ్రూప్ బీ కేటగిరీ పోస్టులను భర్తీ చేయనున్నారు. గ్రూప్ ఏ కింద.. ఆఫీసర్ స్కేల్-1, ఆఫీసర్ స్కేల్-2, ఆఫీసర్ స్కేల్-3 పోస్టులు ఉంటాయి. గ్రూప్ బీ కింద.. ఆఫీస్ అసిస్టెంట్ పోస్టులు ఉంటాయి.
దరఖాస్తు ఫీజు..
- ఓబీసీ, జనరల్ అభ్యర్థులు రూ. 850 చెల్లించాలి.
- ఎస్సీ, ఎస్టీ, వెనకబడిన తరగతి వర్గాల అభ్యర్థులు రూ. 175 చెల్లించాలి.
పూర్తి వివరాల కోసం.. https://www.ibps.in/ వెబ్సైట్ను సందర్శించండి.
ఇదీ చదవండి: డిగ్రీతో బ్యాంక్ అసిస్టెంట్ మేనేజర్ ఉద్యోగం.. జీతం, దరఖాస్తు వివరాలు ఇలా...
