UP Fire Accident: ఉత్తర్ప్రదేశ్లోని ఫిరోజాబాద్లో ఉన్న ఓ ఫర్నీచర్ దుకాణంలో అగ్నిప్రమాదం జరిగింది. ఈ ఘటనలో ఒకే కుటుంబానికి చెందిన ఆరుగురు మృతిచెందారు. అందులో నలుగురు చిన్నారులు ఉన్నారు. మరో ముగ్గురికి తీవ్రగాయలయ్యాయి. సమాచారం తెలుసుకున్న పోలీసులు హుటాహుటిన అక్కడికి చేరుకుని సహాయక చర్యలు ప్రారంభించారు. క్షతగాత్రులను ఆస్పత్రికి తరలించారు. షాపులో షార్ట్ సర్క్యూట్ అవ్వడం వల్లే ఈ ప్రమాదం జరిగిందని పోలీసులు తెలిపారు.
మంటలు వేగంగా వ్యాపించడం వల్ల దుకాణంతో పాటు మొదటి అంతస్థులో ఉన్న యజమాని ఇల్లు కూడా దగ్ధమైంగి. ఆగ్రా, మెయిన్‌పురి, ఇటా ,ఫిరోజాబాద్‌ల నుంచి 18 అగ్నిమాపక దళ వాహనాలతో పాటు 12 పోలీస్స్టేషన్‌ల సిబ్బంది దాదాపు రెండున్నర గంటల పాటు రెస్క్యూ ఆపరేషన్‌ నిర్వహించారు. ఘటనపై స్పందించిన ఉత్తర్ప్రదేశ్ సీఎం యోగి సంతాపం వ్యక్తం చేశారు. మృతి చెందిన వారి కుటుంబానికి రూ.2 లక్షల ఎక్స్గ్రేషియాను ప్రకటించారు.
