వివాదాస్పద 'దిల్లీ' బిల్లుకు పార్లమెంట్ ఆమోదం

వివాదాస్పద 'దిల్లీ' బిల్లుకు పార్లమెంట్​లో ఆమోదం లభించింది. మంగళవారం లోక్​సభలో ఆమోదం పొందగా.. ఇవాళ రాజ్యసభ గడపదాటింది. ఈ బిల్లు ప్రకారం దిల్లీ ప్రభుత్వమంటే.. లెఫ్టినెంట్‌ గవర్నర్‌ అని, కార్యనిర్వహణకు సంబంధించి దిల్లీ ప్రభుత్వం తప్పనిసరిగా ఆయన అభిప్రాయం తీసుకోవాలని పొందుపరిచారు.

వివాదాస్పద 'దిల్లీ' బిల్లుకు పార్లమెంట్​లో ఆమోదం లభించింది. మంగళవారం లోక్​సభలో ఆమోదం పొందగా.. ఇవాళ రాజ్యసభ ఈ బిల్లును ఆమోదించింది. దీని ప్రకారం దిల్లీ ప్రభుత్వమంటే.. లెఫ్టినెంట్‌ గవర్నర్‌ అని, కార్యనిర్వహణకు సంబంధించి దిల్లీ ప్రభుత్వం తప్పనిసరిగా ఆయన అభిప్రాయం తీసుకోవాలని పొందుపరిచారు. అయితే.. దిల్లీ ప్రభుత్వం నుంచి అధికారాన్ని లాక్కునేందుకు ఈ బిల్లును తీసుకువచ్చారని ఆమ్​ ఆద్మీ పార్టీ ఆరోపించింది. ఈ బిల్లు రాజ్యాంగ విరుద్ధ చర్య అని కాంగ్రెస్​ విమర్శించింది.

'ప్రజాస్వామ్యంలో చెడ్డ రోజు'

పార్లమెంటులో దిల్లీ బిల్లు ఆమోదంపై దిల్లీ ముఖ్యమంత్రి కేజ్రీవాల్ కీలక వ్యాఖ్యలు చేశారు. ఈరోజును ప్రజాస్వామ్యంలో చెడ్డ రోజుగా అభివర్ణించారు. తిరిగి ప్రజల చేతిలోకి అధికారం తీసుకొచ్చేంత వరకూ పోరాడతామన్నారు.

లోక్​సభలో రణరంగం

'దిల్లీ' బిల్లును రాజ్యసభలో ప్రవేశపెట్టే క్రమంలో విపక్షాలు ఆందోళనలు చేపట్టాయి. ఈ బిల్లు రాజ్యాంగ విరుద్ధం అని.. బిల్లును తిరిగి సెలక్ట్​ కమిటీకి పంపించాలని డిమాండ్ చేశాయి. ఈ క్రమంలో రాజ్యసభ రెండుసార్లు వాయిదా పడింది. బీజేడీ, ఎస్పీ, కాంగ్రెస్ పార్టీలు వాకౌట్​ చేశాయి. మూజువాణి ఓటుతో రాజ్యసభలో దిల్లీ బిల్లు ఆమోదం పొందింది. సభలో 83 మంది ఈ బిల్లుకు మద్దతు తెలపగా.. 45 మంది బిల్లును వ్యతిరేకించారు.

జువెనైల్ బిల్లుకు ఆమోదం

జువెనైల్ జస్టిస్ బిల్లుకు పార్లమెంట్ బుధవారం ఆమోదం తెలిపింది. ఈ బిల్లు వల్ల 'పిల్లల సంరక్షణ, దత్తత తీసుకోవటం'పై నియమాలను బలోపేతం చేసేందుకు ఈ చట్టం తీసుకొచ్చారు.

ఆర్థిక బిల్లుకు ఆమోదం

2021- ఆర్థిక బిల్లుకు పార్లమెంట్ ఆమోదం తెలిపింది. ఈ బిల్లును మంగళవారం లోక్​సభ ఆమోదం తెలపగా.. బుధవారం రాజ్యసభ ఆమోద ముద్ర వేసింది. ఈ బిల్లు ద్వారా 2021-22 ఆర్థిక సంవత్సరంలో కేంద్రానికి ఆర్థికరంగానికి సంబంధించిన ప్రతిపాదనలు చేయనుంది.

ఇదీ చదవండి : కొవిడ్‌ నీడలో.. 5 రాష్ట్రాల్లో ఎన్నికలకు ఈసీ సన్నద్ధం!