బిహార్ రోహ్తస్లో ఓ మహిళ అండాశయం నుంచి సుమారు 15 కిలోల కణతిని తొలగించారు. నారాయణ్ వైద్య కళాశాల, ఆస్పత్రి వైద్యులు.. విజయవంతంగా శస్త్రచికిత్స చేసి దానిని బయటకు తీశారు. ప్రస్తుతం.. ఆ బాధితురాలి పరిస్థితి నిలకడగానే ఉన్నట్లు పేర్కొన్నారు.
మూడేళ్లుగా కడుపునొప్పి..
కర్గహర్కు చెందిన ఆర్తీ దేవికి మూడేళ్లుగా కడుపులో కణతి పెరుగుతున్నట్లు గుర్తించారు వైద్యులు. కడుపునొప్పితో బాధపడుతున్న ఆమె.. ఎన్ని ఆస్పత్రులు తిరిగినా కారణమేంటో ఎవరూ కనుగొనలేకపోయారు. చివరకు నారాయణ్ ఆస్పత్రిలో వైద్యులు.. ఆమెకు జీవం పోశారు.
అలాంటి కణతిల కారణంగా క్యాన్సర్ వచ్చే అవకాశముందని భావించిన వైద్యబృందం.. దానిని పరీక్షించాల్సిందిగా ప్రయోగశాలకు పంపించింది.
ఇదీ చూడండి: అమ్మమ్మ షరతు- చనిపోయిన బాలుడు బతికొచ్చాడు
