Family Mass Suicide : ఆర్థిక సమస్యలు తాళలేక ఒకే కుటుంబానికి చెందిన ఏడుగురు సామూహిక ఆత్మహత్యకు పాల్పడ్డారు. వీరిలో ముగ్గురు చిన్నారులు, ఇద్దరు వృద్ధులు ఉన్నారు. గుజరాత్లో జరిగిన ఈ ఘటన.. సంచలనం రేపింది. మృతులను మనీశ్ సోలంకి, అతడి తండ్రి కనుభాయి, తల్లి శోభనాబెన్, భార్య రీతా, పిల్లలు దీక్ష, కావ్య, కౌశల్గా గుర్తించారు.
ఇదీ జరిగింది..
సూరత్లోని పలన్పుర్ పటియా ప్రాంతానికి చెందిన మనీశ్ సోలంకి.. తన కుటుంబంతో కలిసి సిద్దేశ్వర్ అపార్ట్మెంట్లో నివసిస్తున్నాడు. ఇతడు ఫర్నీచర్ వ్యాపారం చేస్తూ జీవనం సాగిస్తున్నాడు. అయితే, మనీశ్ కొన్ని రోజుల క్రితం.. కొందరికి నగదును అప్పుగా ఇచ్చాడు. డబ్బు తిరిగి ఇవ్వాలని కోరగా.. వారు ఇచ్చేందుకు నిరాకరించారు. అప్పుగా ఇచ్చిన డబ్బు వెనక్కి వచ్చేలా లేకపోవడం వల్ల తీవ్ర మనస్తాపానికి గురైన మనీశ్ అత్మహత్యకు సిద్ధమయ్యాడు. శుక్రవారం రాత్రి తల్లిదండ్రులతో పాటు భార్యాపిల్లలకు విషం ఇచ్చాడు మనీశ్. అనంతరం తాను ఉరివేసుకుని ఆత్మహత్యకు పాల్పడ్డాడు.
అయితే, మనీశ్ ఇంట్లో నుంచి వాసన రావడం వల్ల అనుమానించిన స్థానికులు వెళ్లి తలుపు కొట్టారు. ఎంతసేపటికీ తలుపులు తీయకపోవడం వల్ల పోలీసులకు సమాచారం అందించారు. ఘటనా స్థలానికి చేరుకున్న పోలీసులు.. సూసైడ్ నోట్ను స్వాధీనం చేసుకున్నారు. అనంతరం మృతదేహాలను పోస్ట్మార్టం పరీక్షల కోసం ఆస్పత్రికి తరలించారు.
"ఒకే కుటుంబానికి చెందిన ఏడుగురు సామూహికంగా ఆత్మహత్య చేసుకున్నారు. ఆర్థిక సమస్యలతోనే ఆత్మహత్యకు పాల్పడినట్లు సూసైడ్ నోట్ను రాశారు. దీనిపై కేసు నమోదు చేసుకుని దర్యాప్తు చేస్తున్నాం."
--రాకేశ్ బరోత్, సూరత్ డీసీపీ
కుమార్తెను వేధిస్తున్నాడని భర్తపై కేసు.. రైలు కింద పడి ఆత్మహత్య
కుమార్తెను వేధిస్తున్నాడని భర్తపైనే పోలీసులకు ఫిర్యాదు చేసింది ఓ భార్య. దీంతో తీవ్ర మనస్తాపానికి గురైన భర్త.. రైలు కింద పడి ఆత్మహత్య చేసుకున్నాడు. ఈ ఘటన మహారాష్ట్రలోని ఠాణెలో జరిగింది.
ఇదీ జరిగింది
బద్లాపుర్కు చెందిన 31 ఏళ్ల మహిళ.. ఓ వ్యక్తిని ప్రేమించి పెళ్లి చేసుకోగా ఇద్దరు పిల్లలు ఉన్నారు. భర్త కుటుంబాన్ని పట్టించుకోకపోవడం ఇద్దరి మధ్య తరచూ గొడవలు జరిగేవి. ఈ క్రమంలోనే కుటుంబ పోషణ కోసం.. పిల్లల బాధ్యతలు భర్తకు అప్పిగించి దుబాయ్కు వెళ్లింది భార్య. దీనిని ఆసరాగా తీసుకున్న భర్త.. 11 ఏళ్ల కూతురిని లైంగికంగా వేధించాడం మొదలుపెట్టాడు. ఇటీవలె బాధితురాలు అమ్మమ్మ ఇంటికి వెళ్లగా అనారోగ్యం పాలైంది. దీంతో ఆస్పత్రికి తరలించగా.. అసలు విషయం బయట పడింది. ఈ విషయం తెలిసిన బాధితురాలి అమ్మ వెంటనే భారత్కు వచ్చి తన భర్తపై ఫిర్యాదు చేసింది. కేసు నమోదు చేసుకున్న పోలీసులు.. నిందితుడి కోసం గాలిస్తుండగా పట్టాలపై శవమై కనిపించాడు.
Lady Constable Suicide : మహిళా కానిస్టేబుల్ ఆత్మహత్య.. శరీరంపై 500 గాయాల మరకలు.. ఏం జరిగింది?
Old Man Suicide After Raped Girl : ఐదేళ్ల బాలికపై వృద్ధుడి అత్యాచారం.. ఆపై ఉరివేసుకుని ఆత్మహత్య
