మధ్యప్రదేశ్ శివపురి జిల్లాలోని అటవీ ప్రాంతంలో దళిత మహిళపై ముగ్గురు ఉన్మాదులు సామూహిక అత్యాచారం జరిపారు. ఆమె భర్త సమక్షంలోనే ఈ ఘాతుకానికి ఒడిగట్టారు.
బైక్పై వచ్చి దాడి..
బాధిత దంపతులు అడవిలో వంట చెరుకు సేకరిస్తున్న క్రమంలో.. బైక్పై ముగ్గురు వ్యక్తులు వచ్చారు. ఓ ప్రదేశాన్ని చూపించి అక్కడ కలపను సేకరించాల్సిందిగా ఆదేశించారు. అయితే.. ప్రస్తుతం సేకరించిన కర్రలు తమకు సరిపోతాయని.. ఇంకా సేకరించలేమని దంపతులు జవాబిచ్చారు.
దీనితో ఆగ్రహం చెందిన ఆ ముగ్గురు దంపతులపై దాడికి దిగారు. ఈ ఘటనలో మహిళ చేయి విరిగిపోయిందని జిల్లా పోలీసు సూపరింటెండెంట్ రాజేశ్ సింగ్ తెలిపారు. ఆ సమయంలో అటుగా వెళ్తున్న ఓ వ్యక్తి వారిని వదిలేయాలని చెప్పగా అతడిని తన్ని తరిమేశారు నిందితులు. అనంతరం ఆ ముగ్గురూ మహిళపై సామూహిక అత్యాచారానికి పాల్పడ్డారు.
బాధితుల ఫిర్యాదు ఆధారంగా కేసు నమోదు చేసిన పోలీసులు.. అనుమానితులను ప్రశ్నిస్తున్నారు.
ఇవీ చదవండి:
