emergency landing news: ఝార్ఖండ్ నుంచి చెన్నై వెళ్తున్న ఎయిర్ ఏషియా విమానం అత్యవసర ల్యాండింగ్ అయ్యింది. విమానంలో ఉన్న ఓ ప్రయాణికుడు తీవ్ర అస్వస్థతకు గురైన కారణంతో.. ఒడిశా భువనేశ్వర్లోని బిజు పట్నాయక్ అంతర్జాతీయ విమానాశ్రయంలో ల్యాండింగ్ చేసినట్లు ఎయిర్పోర్ట్ వర్గాలు తెలిపాయి.
ఎయిర్ ఏషియాకు చెందిన ఐఏడీ 1631ఏ320 విమానం రాంచీ ఎయిర్ పోర్ట్ నుంచి చెన్నైకి బయలుదేరింది. ఈ క్రమంలో బసంత్ కుమార్ పాశ్వాన్ అనే ప్యాసింజర్ అనారోగ్యానికి గురయ్యాడు. దీంతో విమానాన్ని బిజు పట్నాయక్ అంతర్జాతీయ విమానాశ్రయానికి రీ రూట్ చేసి అత్యవసర ల్యాండింగ్ చేసినట్లు అధికార వర్గాలు తెలిపాయి. 7 గంటల 26 నిమిషాల ప్రాంతంలో విమానం ల్యాండ్ అయినట్లు పేర్కొన్నారు.
అనారోగ్యానికి గురైన వ్యక్తిని భువనేశ్వర్లోని క్యాపిటల్ ఆసుపత్రికి తరలించినట్లు అధికారులు తెలిపారు. ప్రస్తుతం అతని ఆరోగ్య పరిస్థితి విషమంగా ఉన్నట్లు పేర్కొన్నారు.
ఇదీ చూడండి:
