ఉత్తర్ప్రదేశ్లో నేరాలు రోజురోజుకు పెరిగిపోతున్నాయి. తాజాగా గోండా జిల్లాలోని పక్కా గ్రామంలో ఇంట్లో నిద్రిస్తోన్న ముగ్గురు దళిత అక్కాచెల్లెళ్లపై యాసిడ్ దాడి జరిగింది. మంగళవారం ఉదయం జరిగిన ఈ ఘటనలో అక్కకు తీవ్ర గాయాలు కాగా.. ఇద్దరు చెల్లెళ్లకు స్వల్ప గాయాలయ్యాయి.
స్థానికుల సమాచారంతో హుటాహుటిన గ్రామానికి చేరుకున్న పోలీసులు ముగ్గురినీ ఆస్పత్రికి తరలించారు. ప్రస్తుతం వైద్యులు చికిత్స చేస్తున్నారని.. యాసిడ్ దాడికి గల కారణాలు తెలియాల్సి ఉందని పోలీసులు తెలిపారు.
ఇదీ చూడండి: 'హాథ్రస్' దర్యాప్తు ముమ్మరం- ఘటనా స్థలానికి సీబీఐ
