అంతర్జాతీయంగా అత్యుత్తమ ఫార్మా కంపెనీల జాబితాలో బయోకాన్ టాప్-5గా నిలిచింది. అమెరికాకు చెందిన ‘సైన్స్‌’ మ్యాగజైన్‌ తన వార్షిక ‘సైన్స్‌ కెరీర్‌ టాప్- 20 ఎంప్లాయర్స్‌’ జాబితాలో ఈ విషయాన్ని వెల్లడించింది. 2018లో బయోకాన్ ఏడో ర్యాంకులో ఉండగా.. 2019లో ఆరో ర్యాంకు, తాజాగా ఐదో స్థానంలో నిలిచింది.
కరోనా పరిస్థితుల్లోనూ.. తమ సంస్థ ఐదో ర్యాంకు సాధించడం పట్ల హర్షం వ్యక్తం చేశారు బయోకాన్ ఎగ్జిక్యూటివ్ ఛైర్పర్సన్ కిరణ్ మజుందార్ షా.
“పరిశ్రమలో వినూత్నతకు పెద్దపీట వేసే నాయకత్వం, ‘సామాజిక బాధ్యత’, ‘విశ్వాసపాత్రులైన ఉద్యోగులు’.. ఈ మూడు కీలక అంశాల ఆధారంగా ఈ ర్యాంకింగ్‌లను ఇచ్చారు. ‘కరోనా కారణంగా పలు అవరోధాలు ఎదురైనా మా ఉద్యోగులు కీలక తయారీ, నాణ్యత, సరఫరా కార్యకలాపాలకు ఊతమిచ్చారు. రోగులు, భాగస్వాములపై ప్రతికూల ప్రభావం పడకుండా చూశారు.”
- కిరణ్ మజుందార్‌షా, కంపెనీ ఎగ్జిక్యూటివ్ ఛైర్పర్సన్
తొలి నాలుగు స్థానాల్లో రీజెనరాన్, అలినిలామ్‌, ఇన్సైట్, జింజెంటా ఉన్నాయి.
ఇదీ చదవండి- హైటెక్ యుద్ధానికి సిద్ధమవుతున్న భారత్
