భారత్- అమెరికా శాస్త్రవేత్తలు సంయుక్తంగా కరోనా సమస్య పరిష్కారాల అన్వేషణ కోసం ప్రయత్నాలు మొదలుపెట్టనున్నాయి. ఈ మేరకు 11 బృందాలను నియమించినట్లు కేంద్ర శాస్త్ర సాంకేతిక శాఖ ఓ ప్రకటనలో తెలిపింది. యూఎస్-ఇండియా సైన్స్ అండ్ టెక్నాలజీ ఎండోమెంట్ ఫండ్ (యూఎస్ఐఎస్టీఈఎఫ్) కింద ఈ నిర్ణయం తీసుకున్నట్లు వెల్లడించింది.
2020 ఏప్రిల్లో వచ్చిన కొవిడ్- 19 నిధుల ద్వారా ఈ కార్యక్రమాన్ని చేపట్టనున్నారు. కరోనా రోగ నిర్ధరణ, యాంటీవైరల్ చికిత్స, ఔషధాలు, వెంటిలేటర్, క్రిమి సంహారక యంత్రాలు, లక్షణాలు గుర్తించే సెన్సార్లపై పరిధికి మించి అన్వేషించనున్నాయి ఈ బృందాలు. తద్వారా కరోనా సవాళ్లను ఎదుర్కొనేందుకు అవసరమైన పరికరాలు, యంత్రాలను అభివృద్ధి చేయనున్నాయి.
శాస్త్ర సాంకేతిక రంగంలో ఆవిష్కరణలు, వ్యవస్థాపన కార్యకలాపాల కోసం యూఎస్ఐఎస్టీఈఎఫ్ను స్థాపించాయి భారత్, అమెరికా.
ఇదీ చూడండి: నేడు 'యూఎస్ఐఎస్పీఎఫ్' సదస్సులో ప్రసంగించనున్న మోదీ
