Bandi Sanjay Condemned Chandrababu Naidu Arrest : 'చంద్రబాబును ఏపీ ప్రభుత్వం అరెస్టు చేసిన విధానం సరైంది కాదు'

Bandi Sanjay React on Chandrababu Naidu Arrest : తెలుగుదేశం పార్టీ అధ్యక్షులు, మాజీ ముఖ్యమంత్రి చంద్రబాబు నాయుడిని ఏపీ ప్రభుత్వం అరెస్ట్ చేసిన విధానం సరైందికాదని బీజేపీ జాతీయ ప్రధాన కార్యదర్శి బండి సంజయ్‌ అన్నారు. ఎఫ్ఐఆర్​లో పేరు లేకుండానే ముఖ్యమంత్రిగా సుధీర్ఘ కాలం పనిచేసిన వ్యక్తిని, ప్రతిపక్ష నేతను అర్ధరాత్రి అరెస్ట్ చేయడం ఏ మాత్రం సమంజసం కాదన్నారు. ఈ మేరకు ఒక ప్రకటనను విడుదల చేశారు.

Bandi Sanjay React on Chandrababu Naidu Arrest : టీడీపీ అధినేత, మాజీ సీఎం నారా చంద్రబాబు నాయుడు(TDP Chief Chandrababu Arrest) అక్రమ అరెస్టుపై దేశవ్యాప్తంగా చర్చనడుస్తోంది. ఆయన అరెస్టును జాతీయ నేతలు ముక్త కంఠంతో ఖండిస్తున్నారు. తాజాగా బీజేపీ జాతీయ ప్రధాన కార్యదర్శి బండి సంజయ్(Bandi Sanjay)​ సైతం స్పందించారు. తెలుగుదేశం పార్టీ అధ్యక్షులు, మాజీ ముఖ్యమంత్రి చంద్రబాబు నాయుడిని ఏపీ ప్రభుత్వం అరెస్ట్ చేసిన విధానం సరైందికాదని భాజపా జాతీయ ప్రధాన కార్యదర్శి బండి సంజయ్‌ అన్నారు.

ఎఫ్ఐఆర్​లో పేరు లేకుండానే ముఖ్యమంత్రిగా సుధీర్ఘ కాలం పనిచేసిన వ్యక్తిని, ప్రతిపక్ష నేతను అర్ధరాత్రి అరెస్ట్ చేయడం ఏ మాత్రం సమంజసం కాదని బండి సంజయ్​ ఒక ప్రకటనలో పేర్కొన్నారు. చంద్రబాబు నాయుడిని అరెస్ట్ చేయడంతో తెలుగుదేశం పార్టీ పట్ల ఏపీ ప్రజల్లో సానుభూతి పెరిగిందన్నారు. చంద్రబాబు నాయుడు అవినీతికి పాల్పడినట్లు ఆధారాలుంటే చట్ట ప్రకారం చర్యలు తీసుకోవాల్సిందేనని.. చట్టానికి ఎవరూ అతీతులు కాదన్నారు.

Kishanreddy React on TDP Chief Arrest : అంతకు ముందు బీజేపీ రాష్ట్ర అధ్యక్షుడు కిషన్​రెడ్డి సైతం టీడీపీ అధినేత చంద్రబాబు అరెస్టును ఖండించారు. ఈ విషయంపై ఏపీ రాష్ట్ర అధ్యక్షురాలు పురందేశ్వరి సమాచారం అందించారని తెలిపారు. ముందస్తు సమాచారం లేకుండా.. ఎఫ్​ఐఆర్​ కాపీ లేకుండా అరెస్టు చేశారన్నారు. అలాగే చంద్రబాబు నాయుడు అరెస్టు సబబు కాదని బీజేపీ బీసీ మోర్చా జాతీయ అధ్యక్షుడు లక్ష్మణ్​ ఖండించారు. ముందస్తు నోటీసులు ఇవ్వకుండా.. ఎఫ్​ఐఆర్​లో పేరు లేకుండా ఆయనను అరెస్టు చేయడం బీజేపీ ఖండిస్తోందని దిల్లీలో నిర్వహించిన సమాచారంలో తెలిపారు.

Ex Karnataka Chief Comments on Chandrababu Arrest : మరోవైపు చంద్రబాబును తప్పుడు కేసులో అరెస్టు చేశారని కర్ణాటక మాజీ సీఎం కుమారస్వామి అన్నారు. కక్ష సాధింపులో భాగంగానే చంద్రబాబు అరెస్టు జరిగినట్లు తెలుస్తోందన్నారు. నారా లోకేశ్​కు ఫోన్​ చేసిన కుమారస్వామి.. చివరికి న్యాయమే గెలుస్తుందని ధైర్యం చెప్పారు.

Chandrababu Arrest Shiromani Akali Dal Chief Badal Comments : అంతకు ముందు చంద్రబాబు అక్రమ అరెస్టును శిరోమణి అకాలీదళ్​(ఎస్​ఏడీ) ఖండించింది. చంద్రబాబు ఆధునిక ఆంధ్రప్రదేశ్​ రూపశిల్పిగా ఎస్​ఏడీ అధ్యక్షుడు సుఖ్​బీర్​ సింగ్​ బాదల్​ వర్ణించారు. ఆయన జైలులో ఇలా చూడాల్సి రావడం చాలా దురదృష్టకరమని తెలిపారు. బూటకపు అభియోగాలతో టీడీపీ అధినేతను అరెస్టు చేశారని.. ఏపీ ప్రభుత్వంపై విమర్శలు చేశారు. ప్రజాస్వామ్యంలో కక్ష సాధింపు చర్యలు మంచివి కాదన్నారు. చంద్రబాబు అరెస్టును అందరూ ఖండించాలని బాదల్​ వ్యాఖ్యానించారు. అలాగే ఎస్పీ అధినేత అఖిలేశ్​ యాదవ్​, బెంగాల్​ ముఖ్యమంత్రి మమతాబెనర్జీ సైతం తీవ్రస్థాయిలో ఖండించారు.