శస్త్రచికిత్స ద్వారా మెదడులో కణతిని తొలగిస్తుండగా.. తనకేమీ జరగనట్లు హనుమాన్ చాలీసా పారాయణ చేసుకున్నారు ఓ మహిళ. కాగా ఆమె మధ్యలో తప్పు పలికితే ఆపరేషన్ చేస్తున్న వైద్యుడొకరు సహకరించారు. ఇదంతా దిల్లీ ఎయిమ్స్ ఆసుపత్రిలో జరిగింది.
'క్రేనియోటమీ' శస్త్రచికిత్స విధానం ద్వారా ఆమెకు కేవలం కణతి ఉన్న ప్రాంతంలోనే మత్తు ఇచ్చి ఆపరేషన్ చేశామని వైద్యులు తెలిపారు. శస్త్రచికిత్స విజయవంతమైందని వెల్లడించారు.
ఏమీ జరగనట్లు బయటకు వచ్చి..
ఆమె మెదడుకు ఎడమ వైపున కణతిని శస్త్ర చికిత్స ద్వారా తొలగించారు. అనంతరం ఆమెకు ఏమీ కానట్లు తల.. అటూ ఇటూ ఊపుతూ ఆపరేషన్ థియేటర్ నుంచి బయటకు వచ్చారు. ఈ ఆపరేషన్కు సంబంధించిన దృశ్యాలను అక్కడున్న వైద్య సిబ్బంది ఒకరు ఫోన్ రికార్డు చేసి.. సామాజిక మాధ్యమాల్లో పోస్టు చేశారు. దీంతో ఈ వీడియో వైరల్గా మారింది.
గతంలో మధ్యప్రదేశ్ బిర్లా ఆసుపత్రి వైద్యులు.. ఓ బాలికకు ఇలాంటి శస్త్రచికిత్స చేయగా.. ఆ చిన్నారి పియానో వాయిస్తూ, వైద్యులతో ముచ్చటిస్తూ అందరినీ అబ్బురపరిచింది.
ఇదీ చూడండి: భారత్లో 49 లక్షల కొవిడ్ మరణాలు.. నిజమేనా?
