కుక్కను లాక్కెళ్తున్న దృశ్యం
కేరళలో కుక్కను బైక్కు కట్టి అమానుషంగా ఈడ్చుకెళ్లిన ఘటన మరవక ముందే.. కర్ణాటకలోనూ ఇదే తరహా ఘటన జరిగింది. మంగుళూరులో ఓ శునకానికి తాడు కట్టి ద్విచక్రవాహనంపై వేగంగా లాక్కెళ్లిన వీడియో ఒకటి వైరల్ అవుతోంది. ఈ ఉదంతాన్ని హైవేపై ప్రయాణిస్తున్న వ్యక్తులు సామాజిక మాధ్యమాల్లో పంచుకున్నారు.
తాగిన మైకంలో పైశాచిక ఆనందం పొందుతున్న వీరి తీరు పట్ల జంతు ప్రేమికులు ఆందోళన చెందుతున్నారు. సామాజిక మాధ్యమాల్లో తీవ్రంగా స్పందిస్తున్నారు. ఇటువంటి వారి ఆగడాలకు మూగజీవాలు బలవుతున్నాయని ఆవేదన వ్యక్తం చేస్తూ.. నిందితులను వెంటనే అరెస్టు చేయాలని డిమాండ్ చేస్తున్నారు.
ఈ ఘటనపై జాతీయ పర్యావరణ పరిరక్షణ సమితి కర్ణాటక ప్రధాన కార్యదర్శి హెచ్.శశిధర్ షెట్టి సూరత్కల్ పోలీస్ స్టేషన్లో ఫిర్యాదు చేశారు.
ఇవీ చదవండి: బావిలో జింక- చాకచక్యంగా కాపాడిన అటవీ సిబ్బంది
