అసోం కోక్రాఝార్ జిల్లాలో ఘోర రోడ్డు ప్రమాదం జరిగింది. ప్రయాణికులతో వెళ్తున్న బస్సు.. ఓ లారీని ఢీ కొట్టింది. ఈ ఘటనలో ఆరుగురు మృతి చెందారు. మరో 20 మంది గాయపడ్డారు. క్షతగాత్రులను స్థానిక ఆసుపత్రులకు తరలించారు.
సపత్గ్రామ్ నుంచి ధుబ్రి వెళ్తున్న బస్సు 17వ నంబరు జాతీయ రహదారిపై చటగురి ప్రాంతం వద్ద ఎదురుగా వస్తున్న లారీని ఢీకొట్టింది. ఘటన స్థలానికి చేరుకున్న పరిసర ప్రాంతాల ప్రజలు.. సహాయక చర్యలు చేపట్టారు. ఈ ప్రమాదంలో మరణించినవారిలో సందేశ్ ఆలీ, సత్తార్ ఆలీ, రఫిక్ ఇస్లాం, బసిదుల్ ఇస్లాం, సదర్ కాజీని గుర్తించిన అధికారులు.. ఇంకో వ్యక్తి ఎవరనేది తెలియలేదని తెలిపారు.
ఈ ప్రమాదంలో ప్రాణాలు కోల్పోయినవారి కుటుంబాలకు సంతాపం తెలిపిన రాష్ట్ర సీఎం సర్భానంద సోనోవాల్.. గాయపడినవారు త్వరగా కోలుకోవాలని ఆకాంక్షించారు.
ఇదీ చూడండి: 'హైకోర్టుల్లో న్యాయమూర్తుల సంఖ్య రెట్టింపు చేయండి'
