కోనసీమలో ప్రభల ఊరేగింపు - ప్రత్యేక ఆకర్షణగా జనసేన ప్రభ

Konaseema District Avidi Prabhalu 2024: కోనసీమలో నిర్వహించే ప్రభల ఉత్సవాలకు ప్రాచీన చరిత్ర ఉంది. ఇటీవల కోనసీమ ప్రభలకు జాతీయస్థాయి గుర్తింపు లభించడంతో రెట్టింపు ఉత్సాహంతో ప్రభల తీర్థాలను జరపాలని కోనసీమ యువత ఏర్పాట్లు చేస్తోంది. అంబేద్కర్ కోనసీమ జిల్లా కొత్తపేట మండలం అవిడిలో ప్రభల ఊరేగింపు కార్యక్రమం వైభవంగా జరిగింది. ఈ వేడుకల్లో గ్రామంలో యువత పెద్ద ఎత్తున ఉత్సాహంగా పాల్గొన్నారు. ప్రభలను డప్పు, వాయిద్యాలు, బాణాసంచా మధ్య అట్టహాసంగా ఊరేగించారు. జనసేనని పవన్ కల్యాణ్​ ఫొటోలతో తయారుచేసిన ప్రభలు ప్రత్యేక ఆకర్షణగా నిలిచాయి.

కొత్తపేటలో చుట్టుపక్కల ప్రాంతాల్లో ఉన్న ఆలయాల వద్ద ఆయా కమిటీ సభ్యులు, యువత ప్రత్యేకంగా స్వామి వార్లతో కూడిన ప్రభలను తయారు చేశారు. డప్పు, వాయిద్యాల నడుమ ఊరేగింపుగా తీసుకువచ్చిన ప్రభల వద్దకు ప్రజలు చేరుకుని దర్శించుకుంటున్నారు. వాకలవరువు, తొండవరం, గున్నేపల్లిలో ఎత్తైన ప్రభలను రూపొందిస్తున్నారు. సుమారు 45 నుంచి 50 అడుగుల ఎత్తులో ప్రభలను తయారు చేస్తున్నారు.