YCP Corporator attack on TDP worker: తెదేపా కార్యకర్తపై వైకాపా కార్పోరేటర్, అతని అనుచరులు దాడి చేశారు. కడప శంకరాపురానికి చెందిన తెదేపా కార్యకర్త నరసింహ ప్రసాద్ ఇటీవల పార్టీ కార్యక్రమాల్లో చురుగ్గా పాల్గొంటున్నాడని అక్కసు తో స్థానిక కార్పొరేటర్ లక్ష్మీదేవి ఆమె భర్త అతని అనుచరులు దాడి చేశారు. రాత్రి ఇంటికి వెళ్తున్న నరసింహ ప్రసాద్ను ఆపి వైకాపాకు వ్యతిరేకంగా తెదేపా కార్యక్రమాల్లో ఎందుకు పాల్గొంటున్నావంటూ ప్రశ్నించగా.. అతను సమాధానం ఇవ్వకుండా వెళ్లడంతో వెంబడించి కర్ర తీసుకొని తలపై గట్టిగా కొట్టారు. దీంతో తలకి బలమైన గాయమైంది. గాయపడిన నరసింహన ప్రసాద్ను చికిత్స నిమిత్తం ప్రభుత్వ సర్వజన ఆసుపత్రికి తరలించారు. విషయం తెలుసుకున్న జిల్లా తెదేపా నాయకులు ఆయన్ని పరామర్శించి భయపడాల్సిన అవసరం లేదని, తెదేపా అండగా ఉంటుందని భరోసా ఇచ్చారు. తక్షణం ముద్దాయిల పై కేసు నమోదు చేసి అరెస్టు చేయాలని డిమాండ్ చేశారు.
ఇవీ చదవండి:
