ద్విచక్రవాహనాలు ఢీ.. ఒకరు మృతి, మరొకరికి తీవ్ర గాయాలు

రెండు ద్విచక్రవాహనాలు ఢీకొన్న ప్రమాదంలో ఒకరు మృతి చెందగా మరొకరు తీవ్రంగా గాయపడ్డాడు. ఈ ఘటన కడప జిల్లాలో జరిగింది. కేసు నమోదు చేసుకున్న పోలీసులు దర్యాప్తు చేస్తున్నారు.

కడప జిల్లా బద్వేలులోని వెంకట శెట్టిపల్లి రోడ్డు మలుపు వద్ద రెండు ద్విచక్ర వాహనాలు ఢీకొన్నాయి. ఈ ప్రమాదంలో లంగనూరు రాము(32) అక్కడికక్కడే మృతి చెందగా.. సిద్ధవటానికి చెందిన ఓబయ్య శివరామకృష్ణ తీవ్రంగా గాయపడ్డారు. వీరిని స్థానికులు బద్వేలు ప్రభుత్వ ఆస్పత్రికి తరలించారు. అనంతరం అత్యవసర చికిత్స నిమిత్తం కడప రిమ్స్​కు తరలించారు. ప్రమాదంపై గ్రామీణ పోలీసులు కేసు నమోదు చేసుకొని దర్యాప్తు చేపట్టారు.

ఇదీ చదవండి