కడప జిల్లా వేముల మండలం చాగలేరు గ్రామానికి చెందిన పీరయ్య, మస్తానమ్మ అనే దంపతులు... ద్విచక్రవాహనంపై లింగాల మండలం గుండ్లపల్లి గ్రామంలోని ఓ వేడుకకు వచ్చారు. కార్యక్రమం ముగించుకుని తిరిగి వెళ్తుండగా.. ఇప్పట్ల వద్ద ఎదురుగా వస్తున్న ఐషర్ వాహనం భైక్ను ఢీ కొట్టింది. ఈ ఘటనలో పీరయ్య అక్కడికక్కడే మృతి చెందగా, మస్తానమ్మకు తీవ్ర గాయాలయ్యాయి. సమాచారం తెలుసుకున్న పోలీసులు 108 వాహనంలో మస్తానమ్మను పులివెందుల ప్రభుత్వ ఆసుపత్రికి తరలించారు. మెరుగైన వైద్యం కోసం కడప రిమ్స్కు తీసుకువెళ్లారు. వేడుకకు హాజరై తిరిగి వెళ్తుండగా ఈ ప్రమాదం జరగడంతో బంధువులు కన్నీటి పర్యంతమయ్యారు.
ఇదీచదవండి.
