రాక్షస రాజ్యం కావాలా... అభివృద్ధి కావాలా..?

రాష్ట్రంలో హింసకు తావులేకుండా... ప్రతి ప్రాంతం అభివృద్ధి చెందాలని ముఖ్యమంత్రి చంద్రబాబు ఆకాంక్షించారు. కడప జిల్లా ఎన్నికల సన్నాహక సభలో మాట్లాడిన చంద్రబాబు.. ప్రతిపక్ష నేత జగన్​పై ధ్వజమెత్తారు. హత్యా రాజకీయాలను ప్రోత్సహించొద్దని ప్రజలకు విజ్ఞప్తి చేశారు.

ప్రజలు ప్రశాంతమైన వాతావరణంలో బతకాలి.. హాయిగా జీవించాలని సీఎం చంద్రబాబు కోరారు. ''పులివెందులలో ఉన్న రాక్షస రాజ్యం మనకు అవసరమా'' అని ప్రశ్నించారు. ఇంట్లో జరిగిన హత్యకు సమాధానం చెప్పే పరిస్థితిలో వైకాపా నేతలు లేరని పేర్కొన్నారు. ఆఖరికి హత్యకేసులో సాక్షులను కూడా చంపుతామని బెదిరిస్తున్నారన్న చంద్రబాబు... కుట్ర రాజకీయాలు చేసేవారికి కడప పౌరుషం చూపించాలని పిలుపునిచ్చారు. జిల్లాలో మంచి అభ్యర్థులను నిలబెట్టామని... మనస్పూర్తిగా ఆశీర్వదించాలని కోరారు.