విజయనగరం జిల్లా సాలూరు మండల పరిధిలో ఉన్న కొరియా వివాదస్పద గ్రామాల్లో ఈ ఘటన చోటు చేసుకుంది. గంజాయిభద్ర గ్రామానికి చెందిన గెమ్మేల రోభి (17) బొబ్బిలిలో ఓ కళాశాలలో ఇంటర్మీడియట్ మొదటి సంవత్సరం చదువుతున్నాడు. కొద్దిరోజుల కిందట తల్లిదండ్రులు చూడడానికి ఇంటికి వచ్చాడు. ఈనెల 16న నేరెళ్ల వలస సంతకు వెళ్ళి వస్తుండగా.. మూత్ర విసర్జన చేస్తూ.. అక్కడే ఉన్న ఇనుప స్తంభాన్ని పట్టుకున్నాడు. అప్పటికే తెగిన విద్యుత్ వైరు ఆ స్తంభానికి తాకి ఉండటంతో.. విద్యుత్ షాక్కు గురయ్యాడు. బందువులు సాలూరు పీహెచ్సీకి తరలించారు. ప్రాథమిక చికిత్స అనంతరం విశాఖ కేజీహెచ్కి తీసుకెళ్లారు. అక్కడ చికిత్స పొందుతూ.. ప్రాణాలు విడిచాడు.
ఆలస్యంగా వెలుగులోకి వచ్చిన ఈ ఘటనపై కేసు నమోదు చేసి దర్యాప్తు చేస్తున్నామని ఎస్సై దినకర్ తెలిపారు.
ఇవీ చూడండి...
