బెయిల్పై జైలు నుంచి విడుదలైన మాజీ మంత్రి అఖిలప్రియకు తెదేపా అధినేత చంద్రబాబు ఫోన్ కాల్ చేశారు. ఎన్ని కష్టాలు ఎదురైనా మనోనిబ్బరంతో ముందుకు సాగాలని తెలిపారు. ధైర్యంగా ఉంటూ తోటివారికీ ధైర్యం చెప్పాలన్నారు. ఆరోగ్యం జాగ్రత్తగా చూసుకోవాలని అఖిలకు చంద్రబాబు సూచించారు.
హైదరాబాద్లోని బోయిన్‌పల్లి అపహరణ కేసులో అరెస్టైన మాజీ మంత్రి భూమా అఖిలప్రియ... శనివారం జైలు నుంచి విడుదలయ్యారు. ఆమెకు సికింద్రాబాద్ కోర్టు శుక్రవారం షరతులతో కూడిన బెయిల్ మంజూరు చేసింది. ఈ క్రమంలో చంచల్‌గూడ జైలు నుంచి అఖిలప్రియ విడుదలయ్యారు.
