Ex MP Chinta Mohan Comments: రాష్ట్రంలో వెయ్యి కోట్ల రూపాయల అవినీతికి రంగం సిద్ధమైందని మాజీ ఎంపీ చింతా మోహన్ ఆరోపించారు. వ్యవసాయానికి మీటర్లు బిగించే వ్యవహారంలో ఈ తతంగం సాగుతోందని ఆయన నెల్లూరులో విమర్శించారు. ఆరు వేల రూపాయల విలువైన మీటర్ను రూ.30 వేలకు కొనేందుకు ప్రభుత్వం సిద్ధమవుతోందని తెలిపారు.
దేశంలోని మీటర్ల మాఫియా ద్వారా ఈ తతంగం సాగుతోంది. ఇందుకోసం కేబినెట్ కూడా ఆమోదం తెలిపిందన్నారు. కేంద్ర ప్రభుత్వ సహకారంతో పవర్ ఫైనాన్స్ కార్పొరేషన్ ద్వారా 3600 కోట్ల రూపాయల రుణాన్ని తీసుకుని మీటర్లు బిగించనున్నట్లు తెలిపారు. ఏ రాష్ట్రంలో లేని మీటర్లు ఆంధ్రాలో మాత్రం ఎందుకు బిగిస్తున్నారో అంతుచిక్కడం లేదన్నారు.
రాష్ట్రంలో ఐఏఎస్ అధికారుల పనితీరు బాగాలేదని ధ్వజమెత్తారు. సెక్రటేరియట్కు ఐఏఎస్ అధికారులు సక్రమంగా రావడం లేదని, వర్క్ ఫ్రం హోమ్ పాటిస్తున్నారని అన్నారు. బీజేపీ, వైసీపీలపై వ్యతిరేకత మొదలైందన్నారు. రాష్ట్రంలో సంక్షోభం తప్ప సంక్షేమం లేదని విమర్శించారు.
ఇవీ చదవండి:
