పలు జిల్లాల్లో అక్రమ మద్యం, నాటుసారా పట్టివేత

రాష్ట్రంలో పలు జిల్లాల్లో పోలీసులు నిర్వహించిన దాడుల్లో తెలంగాణ మద్యాన్ని, నాటు సారాను పట్టుకున్నారు. నిందితులను అరెస్ట్ చేసి రిమాండ్​కు తరలించారు.

పలు జిల్లాల్లో పోలీసులు నిర్వహించిన దాడుల్లో అక్రమంగా తరలిస్తున్న తెలంగాణ మద్యాన్ని, నాటుసారాను పట్టుకున్నారు. పలువురు నిందితులను అరెస్ట్ చేసి రిమాండ్​కు తరలించారు.

కర్నూలు జిల్లాలో..
కర్నూలు సరిహద్దు పంచలింగాల చెక్ పోస్టు వద్ద ఎన్​ఫోర్స్​మెంట్​ అధికారులు వాహనాల తనిఖీలు చేపట్టారు. తెలంగాణ నుంచి అక్రమంగా ఆటోలో తరలిస్తున్న 177మద్యం సీసాలను‌ పట్టుకున్నారు. ఆటోను స్వాధీనం చేసుకొని నిందితుడిని రిమాండ్​కు తరలించారు.

గుంటూరు జిల్లాలో..

గుంటూరు జిల్లా ములకలురు గ్రామంలో పోలీసులు నిర్వహించిన దాడుల్లో 50 సీసాల తెలంగాణ మద్యాన్ని స్వాధీనం చేసుకున్నారు. వినుకొండ పట్టణంలో నిర్వహించిన దాడుల్లో మూడు లీటర్ల నాటు సారాను స్వాధీనం చేసుకొని ఇద్దరు ముద్దాయిలను రిమాండ్​కు పంపారు.

తూర్పుగోదావరి జిల్లాలో..

తూర్పుగోదావరి జిల్లా ఆలమూరు మండలం జొన్నాడ గోదావరి లంకలో పోలీసులు జరిపిన దాడుల్లో 9,600 లీటర్ల బెల్లం ఊటను గుర్తించి ధ్వంసం చేశారు. పరారైన నిందితుల కోసం గాలింపు చేపట్టారు.

ఇదీ చదవండి