రెడ్దిగూడెం వద్ద కారును ఢీకొన్న లారీ.. ఆరుగురికి గాయాలు

గుంటూరు జిల్లా రాజుపాలెం మండలం రెడ్దిగూడెం వద్ద కారును లారీ ఢీకొట్టింది. ఈ ప్రమాదంలో ఆరుగురు గాయపడ్డారు. క్షతగాత్రులను ఆసుపత్రికి తరలించారు.

విజయవాడకు చెందిన వారు పిడుగురాళ్లలో ఓ శుభకార్యంలో పాల్గొనేందుకు కారులో వెళ్తుండగా లారీ ఢీకొట్టింది. గుంటూరు జిల్లాలో రాజుపాలెం మండలం రెడ్దిగూడెం వద్ద ఈ ప్రమాదం జరిగింది. ఈ ఘటనలో ఆరుగురు గాయపడగా... రెండేళ్ల చిన్నారి, ఇద్దరు మహిళలు కూడా ఉన్నారు. ఈ ప్రమాదంలో కారు నుజ్జునుజ్జయింది. క్షతగాత్రులను స్థానికులు ఆసుపత్రికి తరలించారు.

ఇదీ చూడండి. తెలంగాణ: వాహనంలోనే స్వర్గపురి వాహనం డ్రైవర్ మృతి