అల్పపీడన ప్రభావంతో గత వారం రోజులుగా కురుస్తున్న వర్షాలకు తూర్పుగోదావరి జిల్లా ముమ్మిడివరం నియోజకవర్గం తడిసి ముద్దవుతోంది. నియోజకవర్గ పరిధిలోని తాళ్లరేవు, ఐ. పోలవరం, కాట్రేనికోన, ముమ్మిడివరం మండలాల్లో లోతట్టు ప్రాంతాలు జలమయమయ్యాయి. రహదారులపై నీరు నిలిచి రాకపోకలకు తీవ్ర ఇబ్బందిగా మారింది. ప్రజలు తాగునీటికి ఇబ్బందులు పడుతున్నారు. గ్రామీణ ప్రాంతాల్లోని మట్టి రోడ్లు బురదమయంగా మారాయి. మురుగునీటి వ్యవస్థ సక్రమంగా లేకపోవడం, కాలువలు ఆక్రమణలకు గురవడంవల్లే ఈ పరిస్థితి వచ్చిందంటూ స్థానికులు ఆరోపిస్తున్నారు.
ఇవీ చదవండి...
