అధికారులు సమన్వయంతో వ్యవహరించి తూర్పుగోదావరి జిల్లా అంతర్వేది లక్ష్మీనరసింహస్వామి దివ్య కల్యాణోత్సవాలను విజయవంతం చేయాలని అమలాపురం సబ్‌ కలెక్టర్‌ హిమాన్షు కౌశిక్‌ పేర్కొన్నారు. ఫిబ్రవరి 19 నుంచి 28 వరకు జరగనున్న కల్యాణోత్సవాలపై ఆలయ ఆవరణంలోని పర్యాటకశాఖ భవనంలో వివిధ శాఖల అధికారులతో సమీక్ష సమావేశం నిర్వహించారు.
ఫిబ్రవరి 22వ తేదీన స్వామివారి కల్యాణం వీక్షించేందుకు సుదూరు ప్రాంతాల నుంచి వచ్చే భక్తులకు ఇబ్బంది కలగకుండా ఏర్పాటు చేయాలన్నారు. ప్రధానంగా ఉత్సవాల్లో కొవిడ్ నిబంధనలతో పాటు స్థానిక సంస్థల ఎన్నికల నియమావళిని సైతం అనుసరించాలని ఆయన స్పష్టం చేశారు. అమలాపురం డీఎస్పీ మాధవరెడ్డి, దేవాదాయ శాఖ డిప్యూటీ కమిషనర్ ఎం.విజయ రాజు తదితరులు పాల్గొన్నారు.
ఇదీ చదవండి:
