పంచాయతీ ఎన్నికల ఫలితాలపై సమీక్ష సహా.. కార్యకర్తల్లో మనో ధైర్యాన్ని నింపటమే లక్ష్యంగా చంద్రబాబు నేటి నుంచి మూడు రోజులు కుప్పంలో పర్యటించనున్నారు. ఈ ఉదయం విజయవాడ నుంచి బెంగళూరుకు వెళ్లనున్న చంద్రబాబు.. అక్కడి నుంచి రోడ్డుమార్గం ద్వారా కుప్పం చేరుకుంటారు. గుడుపల్లె మండలం రాళ్లగంగమ్మ ఆలయం వద్ద కార్యకర్తలతో చంద్రబాబు సమావేశం కానున్నారు. మధ్యాహ్నం కుప్పానికి చేరుకుని.. గ్రామీణ మండల కార్యకర్తలతో సమీక్ష నిర్వహిస్తారు. రాత్రికి కుప్పంలోనే బస చేయనున్నారు. శుక్ర, శనివారాల్లోనూ రామకుప్పం, శాంతిపురం, కుప్పం మండలాల నాయకులతో.. సమావేశం అవుతారు. మూడు రోజుల విస్తృతస్థాయి సమావేశాల్లో కార్యకర్తల సమస్యలను అడిగి తెలుసుకోనున్నారు. శనివారం కుప్పం నుంచి తిరుగు ప్రయాణం కానున్నారు.
ఇదీచదవండి.
