చిత్తూరు జిల్లా ఏర్పేడులో కారు, ద్విచక్ర వాహనం ఢీకొన్న ప్రమాదంలో తమ్ముడు మృతి చెందగా.. అన్నకు తీవ్ర గాయాలయ్యాయి.
రేణిగుంటలోని పాంచాలి నగర్కు చెందిన రమణయ్య కుమారులు నవీన్ కుమార్(30), వేణుగోపాల్(32) ఏర్పేడు మండలంలోని మేర్లపాకలో బంధువుల ఇంటికి ద్విచక్ర వాహనంపై వెళుతున్నారు. ఎదురుగా వస్తున్న ఓ కారు అదుపుతప్పి వీరు ప్రయాణిస్తున్న వాహనాన్ని ఢీ కొట్టింది. ఈ ఘటనలో నవీన్ కుమార్ అక్కడికక్కడే మృతి చెందగా.. వేణుగోపాల్ తీవ్రంగా గాయపడ్డాడు. ఏర్పేడు సీఐ శివ కుమార్ రెడ్డి సంఘటన స్థలాన్ని పరిశీలించారు. కేసు నమోదు చేసుకుని దర్యాప్తు చేస్తున్నామన్నారు. తీవ్రంగా గాయపడిన వేణుగోపాల్ను ఆస్పత్రికి తరలించారు. నవీన్ కుమార్ మృతదేహాన్ని శవ పంచనామా నిమిత్తం శ్రీకాళహస్తి ఏరియా ఆసుపత్రికి తరలించారు.
ఇదీ చదవండి: TTD-Hanuman birth place: అసంపూర్తిగా ముగిసిన హనుమాన్‌ జన్మస్థలంపై చర్చ
