అనంతపురానికి చెందిన గణపతి, పుష్పక, కళ్యాణ్ కుమార్ ముగ్గురు స్నేహితులు. సులభంగా డబ్బు సంపాదించాలని యోచించారు. అందుకోసం హైదరాబాద్ నుంచి అనంతపురానికి కర్ణాటక మద్యాన్ని అక్రమంగా తరలించి సొమ్ము చేసుకునేవారు. నెల రోజులుగా అనంతపురం శివారు కాలనీ తపోవనంలో ఒక గదిని అద్దెకు తీసుకొని ఉన్నారు. విషయం పోలీసులకు తెలియటంతో వారిని అరెస్ట్ చేశారు. ఈ ఘటనలో నిందితుల నుంచి లక్ష విలువ చేసే 152 మద్యం బాటిళ్లను, రెండు కార్లను స్వాధీనం చేసుకున్నట్లు సీఐ కత్తి శ్రీనివాసులు తెలిపారు. అక్రమాలకు పాల్పడితే కఠిన చర్యలు తీసుకుంటామని సీఐ హెచ్చరించారు.
ఇదీ చదవండీ... పాడేరు ఘాట్‌రోడ్డులో ప్రమాదం.. ఒకరు మృతి
