సత్యసాయి జయంతి వేడుకల్లో నితిన్ గడ్కరీ
సత్యసాయి బాబా 94వ జయంతి వేడుకలు అనంతపురం జిల్లా పుట్టపర్తిలో ఘనంగా జరిగాయి. ఈ కార్యక్రమానికి కేంద్ర రవాణా, జాతీయ రహదారుల శాఖ మంత్రి నితిన్ గడ్కరీ హాజరయ్యారు. ఉదయం వేదపారాయణంతో జయంతి వేడుకలను ప్రారంభించారు. సత్యసాయి బాబా ప్రపంచానికి ఒక ఉన్నతమైన మార్గాన్ని చూపించారని నితిన్ గడ్కరీ అన్నారు. సత్యసాయి ట్రస్టు చేస్తున్న కార్యక్రమాలు వెలకట్టలేనివన్నారు. ఈ కార్యక్రమంతో ప్రశాంతి నిలయంలో ఆధ్యాత్మిక వాతావరణం సంతరించుకుంది. జయంతి వేడుకలకు దేశ విదేశాల నుంచి వేలాది మంది భక్తులు రావడంతో పుట్టపర్తి కిటకిటలాడింది.
