అనంతపురం జిల్లా గుడిబండ మండలం పలారంలో ఎలుగుబంటి దాడిలో ఓ వ్యక్తి తీవ్రంగా గాయపడ్డాడు. రఘు అనే వ్యక్తి తెల్లవారుజామున బహిర్భూమికి వెళ్లగా.. పొదల్లో దాగి ఉన్న ఎలుగు ఒక్కసారిగా అతనిపై దాడి చేసింది. ఈ ఘటనలో అతనికి గాయాలయ్యాయి. రఘు అరుపులతో స్థానికులు రాగా.. ఎలుగుబంటి అక్కడినుంచి పారిపోయింది. క్షతగాత్రుడిని గ్రామస్థులు ఆసుపత్రికి తరలించారు.
గతంలోనూ ఎలుగులు, చిరుత దాడిలో చాలా మంది మృతిచెందారని స్థానికులు అంటున్నారు. అడవి జంతువులతో ఎప్పుడు ఏ ప్రమాదం ముంచుకొస్తుందో అని ఆందోళన వ్యక్తంచేస్తున్నారు.
ఇవీ చదవండి..
