టీమ్ఇండియా కెప్టెన్ రోహిత్ శర్మ వెండితెర అరంగేట్రం చేయనున్నాడా? బీసీసీఐ అధ్యక్షుడు గంగూలీతో కలిసి నటించబోతున్నాడా? కీలక పాత్రలో నేషనల్ క్రష్ రష్మిక, తమిళ స్టార్ హీరో కార్తి నటించబోతున్నారా? అంటే అవుననే సమాధానం వినిపిస్తోంది. ఎందుకంటే ఈ నలుగురు కలిసి తమ ఇన్స్టా ఖాతాల్లో ఒకే రకమైన పోస్ట్ చేయడమే ఇందుకు కారణం.
ఈ ముగ్గురు కలిసి మెగాబ్లాక్ బస్టర్ అంటూ తమ ఫొటోలతో ఉన్న పోస్టర్లను పోస్ట్ చేశారు. సెప్టెంబర్ 4న ట్రైలర్ రిలీజ్ అవ్వబోతున్నట్లు తెలిపారు. దీంతో అభిమానుల్లో ఉత్కంఠ మొదలైంది. ఈ నలుగురు కలిసి పాన్ ఇండియా సినిమా చేయబోతున్నారా?, ఏదైనా ఓ స్పెషల్ ప్రోగ్రామ్లో పాల్గొన్నారా? రియాలిటీ షో ఏదైనా ప్లాన్ చేశారా? లేదా యాడ్లో నటించారా? అని అభిమానులు తెగ ఆతృతగా ఎదురుచూస్తున్నారు.
కాగా, ఇప్పటికే దాదా తన బయోపిక్ను ప్రకటించారు. అయితే ఈ సినిమా ఇంకా సెట్స్పైకి వెళ్లలేదు. ఒకవేళ ఈ బయోపిక్ గురించే ఈ అప్డేట్ ఇవ్వబోతున్నారా అనే అనుమానం కూడా ఫ్యాన్స్కు కలుగుతోంది. ఏదేమైనప్పటికీ ఈ సస్పెన్స్ వీడాలంటే ఆ ట్రైలర్ విడుదలయ్యేవరకు వేచి ఉండాల్సిందే.
ఇవీ చదవండి: HBD Pawan Kalyan: పవర్స్టార్ మెచ్చిన పుస్తకాలు తెలుసా?
మౌనీ రాయ్, ఈశా హాట్ అందాలు.. నవ్వుతో మత్తెక్కిస్తున్న నేహా శర్మ
