Mahabharat Praveen Kumar: ప్రముఖ అథ్లెట్, మహాభారతం సీరియల్ నటుడు ప్రవీణ్ కుమార్ సోబ్తి(74) కన్నుమూశారు. ఈ బుల్లితెర భీముడు గుండెపోటుతో తన నివాసంలోనే తుదిశ్వాస విడిచారు.
"ప్రవీణ్ కుమార్.. దీర్ఘకాలిక ఛాతీ ఇన్ఫెక్షన్ సమస్యతో బాధపడ్డారు. రాత్రివేళ ఆయనకు అసౌకర్యంగా ఉండటం వల్ల వైద్యుడిని సంప్రదించాం. అయినా ఫలితం లేకపోయింది. రాత్రి 10-10.30 గంటల సమయంలో గుండెపోటుతో మరణించారు" అని ప్రవీణ్ బంధువు తెలిపారు.
అథ్లెట్గా..
ప్రవీణ్.. డిస్కస్ త్రో, హేమర్త్రేలో విభాగాల్లో వివిధ అథ్లెటిక్ ఈవెంట్‌లలో దేశానికి ప్రాతినిధ్యం వహించారు. 1966, 1970లో రెండు బంగారు పతకాలు సహా ఆసియా క్రీడలలో నాలుగు పతకాలను సాధించారు. 1966 కామన్వెల్త్ గేమ్స్లో రజత పతకం సొంతం చేసుకున్నారు.
నటుడిగా..
ప్రవీణ్.. అథ్లెట్గానే కాకుండా నటుడిగా తనకంటూ ప్రత్యేక గుర్తింపు తెచ్చుకున్నారు. ఆటలకు ముగింపు పలికిన తర్వాత నటుడిగా వెండి తెరకు పరిచయమయ్యారు. 'రక్ష' సినిమాతో ప్రవీణ్ రంగ ప్రవేశం చేశారు. అనంతరం పలు సినిమాల్లో నటించారు. అయితే 1988లో సుప్రసిద్ధ డైరెక్టర్ బీఆర్ చోప్రా దర్శకత్వంలో 'మహాభారతం'లో భీముడి పాత్రలో నటించి ప్రజాధరణ పొందారు.
ఆయనకు భార్య, కుమార్తె, ఇద్దరు సోదరులు, ఒక సోదరి ఉన్నారు.
ఇదీ చూడండి: IPL 2022: ఆ జట్టు పేరు అహ్మదాబాద్‌ టైటాన్స్‌
