Rishi Sunak: బ్రిటన్ ప్రధానమంత్రి పదవి రేసులో ఉన్న ఆ దేశ ఆర్థిక శాఖ మాజీ మంత్రి రిషి సునాక్ ముందంజలో ఉన్నారు. కన్జర్వేటివ్ పార్టీ అధినేత పదవి కోసం బుధవారం జరిగిన తొలి రౌండ్ ఓటింగ్లో ఆయన అత్యధిక ఓట్లు గెలుచుకున్నారు. దాంతో పాటు గురువారం జరగనున్న రెండో రౌండ్కు అర్హత సాధించారు.
తొలి రౌండ్లో ఎనిమిది మంది అభ్యర్థులు పోటీ పడ్డారు. వారిలో కనీస మద్దతు సాధించని ఇద్దరు అభ్యర్థులు పోటీ నుంచి వైదొలిగారు. మిగతా ఆరుగురు అభ్యర్థులు రెండో రౌండ్లో పాల్గొనున్నారు. ఈ నెల 21 నాటికల్లా పోటీలో ఇద్దరు అభ్యర్థులే మిగిలేలా తదుపరి రౌండ్లు నిర్వహిస్తారు.
సెప్టెంబరు 5న తుది ఎన్నిక.. బ్రిటన్ నూతన ప్రధానిని కన్జర్వేటివ్ పార్టీ ఈ ఏడాది సెప్టెంబరు 5న ఎన్నుకోనుంది. కన్జర్వేటివ్ పార్టీ అధినేతగా ఎన్నికైనవారే బ్రిటన్ ప్రధానమంత్రిగా బాధ్యతలు చేపడతారు. కన్జర్వేటివ్ హోం వెబ్‌సైట్‌ తమ పార్టీలో నిర్వహించిన ఓ సర్వే- సునాక్ మూడో స్థానానికి పరిమితమవుతారని అంచనా వేసింది. పెన్నీ మోర్డాంట్‌ ప్రధాని పీఠం దక్కించుకుంటారని జోస్యం చెప్పింది. బదెనోచ్‌, సునాక్, బ్రావెర్మన్‌ వరుసగా 2, 3, 4 స్థానాల్లో నిలుస్తారని తెలిపింది.
ఇవీ చదవండి:
లంకలో నిరసనకారుల దండయాత్ర.. సింగపూర్కు రాజపక్స!
లంకలో ఆగ్రహజ్వాల.. ప్రధాని ఆఫీస్లోకి ఆందోళనకారులు.. రాజీనామాకు డిమాండ్!
