Ranbir Bramhastram trailer: "అగ్నితో నాకో బంధం ఉంది. అది నన్ను దహించలేదు. ఈ ప్రపంచంలో ఏదో జరగుతోంది. ఇక్కడ కొన్ని పురాతన శక్తులు ఉన్నాయి. వాటిని కాపాడేందుకు రక్షకులు ఉన్నారు. కానీ ఓ అంధకారం కూడా ఉంది. అది అందర్నీ భస్మం చేసేస్తుంది" అని అంటున్నారు రణ్బీర్. హీరోయిన్ ఆలియాభట్తో కలిసి ఆయన శివగా ఓ పవర్ఫుల్ రోల్లో నటిస్తున్న సినిమా 'బ్రహ్మాస్త్ర'. అభిమానులు ఎంతో కాలంగా ఆసక్తిగా ఎదురుచూస్తున్న ఈ చిత్ర ట్రైలర్ తాజాగా తెలుగు, హిందీలో విడుదలైంది. తెలుగులో మెగాస్టార్ చిరంజీవి వాయిస్ ఓవర్ ఇవ్వగా.. హిందీలో బిగ్బీ ఇచ్చారు.
"నీరు, గాలి, నిప్పు.. కొన్ని వేల సంవత్సరాలుగా కొన్ని అస్త్రాలలో ఇమిడి ఉన్నాయి. ఈ కథ అస్త్రాలన్నింటికీ అధిపతి అయిన 'బ్రహ్మాస్త్ర'ది. ఆ 'బ్రహ్మాస్త్ర' విధి తన అరచేతి రేఖలలో చిక్కుకుని అందని ఆ యువకుడి తెలియదు. అతడే శివ." అంటూ మెగాస్టార్ వాయిస్ ఓవర్తో ప్రారంభమైన ఈ చిత్ర ట్రైలర్ ఆద్యంతం అదిరిపోయే సన్నివేశాలతో ఆకట్టుకుంటోంది. ఇందులో మన టాలీవుడ్ అగ్ర హీరో నాగార్జున శివుడి వాహనం నందిగా పవర్ఫుల్గా కనిపిస్తున్నారు. 'హే నంది అస్త్రం'.. అంటూ నాగ్.. 'మనకున్న ఏకైక లక్ష్యం 'బ్రహ్మాస్త్రం'... అంటూ మౌనీరాయ్ ఓ శక్తిమంతమైన విలన్గా.. "మా ఈ అస్త్రాల ప్రపంచంతో నీ జీవితం ముడిపడి ఉంది. ఎందుకంటే నువ్వు కూడా ఓ అస్త్రానివి. అగ్ని అస్త్రానివి".. అంటూ రణ్బీర్తో బిగ్బీ చెప్పే సంభాషణలు అదిరిపోయాయి. ఇక ఆలియాగాఇషా-శివగా రణ్బీర్ ప్రేమాయణం మెప్పించేలా సాగింది. చివరిగా 'ది పవర్ ఆఫ్ లవ్, లైట్, ఫైర్.. బ్రహ్మాస్త్ర' అంటూ ప్రచార చిత్రం ముగిసింది.
మొత్తంగా ఆకట్టుకుంటున్న ఈ ప్రచార చిత్రం.. సినిమాపై భారీగా అంచనాలను పెంచింది. దీన్ని దర్శకుడు అయాన్‌ ముఖర్జీ తెరకెక్కించారు. సుమారు రూ.400 కోట్లకు పైగా బడ్జెట్‌తో రూపుదిద్దుకున్న ఈ ప్రతిష్ఠాత్మకమైన సినిమా.. వివిధ అస్త్రాల విశిష్ఠతను తెలియజేసే కథాంశంతో తెరకెక్కింది. సెప్టెంబరు 9 ప్రపంచవ్యాప్తంగా ఈ మూవీ విడుదల కానుంది.
- " class="align-text-top noRightClick twitterSection" data="">
- " class="align-text-top noRightClick twitterSection" data="">
ఇదీ చూడండి: 'జబర్దస్త్ విషయంలో ఆ తప్పు చేశా.. నా రెమ్యునరేషన్ తెలియగానే వారంతా షాక్!'
